Sankara Vijayam: Sivananda Lahari

Showing posts with label Sivananda Lahari. Show all posts

Tuesday, March 4, 2008

Sivananda Lahari - Text only - Roman Script

Sivananda Lahari - Text only - Devanagari Version

On the occasion of Maha Sivarathri, I attach herewith 'Sivananda Lahari' (Text only) by Adi Sankaracharya. The meanings for this wonderful Bhakti treatise may be obtained from http://www.kanchiforum.org/forum/viewtopic.php?t=1863 and also from the book published by RK Mission, Mylapore (Translation by Swami Tapasyananda)
This has been rendered in full by M. Balamurali Krishna.

।।श्रीः।।
।।शिवाभ्यां नमः।।
।।शिवानन्द-लहरी।।

कलाभ्यां चूडालंकृत-शशि कलाभ्यां निज तपः-
फलाभ्यां भक्तेषु प्रकटित-फलाभ्यां भवतु मे ।
शिवाभ्यामस्तोक-त्रिभुवन-शिवाभ्यां हृदि
पुनर्भवाभ्यामानन्द-स्फुरदनुभवाभ्यां नतिरियम् ।।1।।

गलन्ती शंभो त्वच्चरित-सरितः किल्बिषरजो
दलन्ती धीकुल्या-सरणिषु पतन्ती विजयताम् ।
दिशन्ती संसार-भ्रमण-परितापोपशमनं
वसन्ती मच्चेतो-हृदभुवि शिवानन्द-लहरी ।।2।।

त्रयी-वेद्यं हृद्यं त्रि-पुर-हरमाद्यं त्रि-नयनं
जटा-भारोदारं चलदुरग-हारं मृग धरम् ।
महा-देवं देवं मयि सदय-भावं पशुपतिं
चिदालंबं सांबं शिवमति-विडंबं हृदि भजे ।।3।।

सहस्रं वर्तन्ते जगति विबुधाः क्षुद्र-फलदा
न मन्ये स्वप्ने वा तदनुसरणं तत्कृत-फलम् ।
हरि-ब्रह्मादीनामपि निकट-भाजां-असुलभं
चिरं याचे शंभो शिव तव पदांभोज-भजनम् ।।4।।

स्मृतौ शास्त्रे वैद्ये शकुन-कविता-गान-फणितौ
पुराणे मन्त्रे वा स्तुति-नटन-हास्येष्वचतुरः।
कथं राज्ञां प्रीतिर्भवति मयि कोऽहं पशुपते
पशुं मां सर्वज्ञ प्रथित-कृपया पालय विभो ।।5।।

घटो वा मृत्पिण्डोऽप्यणुरपि च धूमोऽग्निरचलः
पटो वा तन्तुर्वा परिहरति किं घोर-शमनम् ।
वृथा कण्ठ-क्षोभं वहसि तरसा तर्क-वचसा
पदांभोजं शंभोर्भज परम-सौख्यं व्रज सुधीः ।।6।।

मनस्ते पादाब्जे निवसतु वचः स्तोत्र-फणितौ
करौ चाभ्यर्चायां श्रुतिरपि कथाकर्णन-विधौ ।
तव ध्याने बुद्धिर्नयन-युगलं मूर्ति-विभवे
पर-ग्रन्थान् कैर्वा परमशिव जाने परमतः ।।7।।

यथा बुद्धिश्शुक्तौ रजतमिति काचाश्मनि मणिः
जले पैष्टे क्षीरं भवति मृग-तृष्णासु सलिलम् ।
तथा देव-भ्रान्त्या भजति भवदन्यं जड जनो
महा-देवेशं त्वां मनसि च न मत्वा पशुपते ।।8।।

गभीरे कासारे विशति विजने घोर-विपिने
विशाले शैले च भ्रमति कुसुमार्थं जड-मतिः ।
समर्प्यैकं चेतस्सरसिजं उमा-नाथ भवते
सुखेनावस्थातुं जन इह न जानाति किमहो ।। 9 ।।

नरत्वं देवत्वं नग-वन-मृगत्वं मशकता
पशुत्वं कीटत्वं भवतु विहगत्वादि-जननम् ।
सदा त्वत्पादाब्ज-स्मरण-परमानन्द-लहरी
विहारासक्तं चेद् हृदयमिह किं तेन वपुषा ।।10।।

वटुर्वा गेही वा यतिरपि जटी वा तदितरो
नरो वा यः कश्चिद्-भवतु भव किं तेन भवति ।
यदीयं हृत्पद्मं यदि भवदधीनं पशु-पते
तदीयस्त्वं शंभो भवसि भव भारं च वहसि ।।11।।

गुहायां गेहे वा बहिरपि वने वाऽद्रि-शिखरे
जले वा वह्नौ वा वसतु वसतेः किं वद फलम् ।
सदा यस्यैवान्तःकरणमपि शंभो तव पदे
स्थितं चेद् योगोऽसौ स च परम-योगी स च सुखी ।।12।।

असारे संसारे निज-भजन-दूरे जडधिया
भ्रमन्तं मामन्धं परम-कृपया पातुमुचितम् ।
मदन्यः को दीनस्तव कृपण रक्षाति-निपुणः-
त्वदन्यः को वा मे त्रि-जगति शरण्यः पशु-पते ।।13।।

प्रभुस्त्वं दीनानां खलु परम-बन्धुः पशु-पते
प्रमुख्योऽहं तेषामपि किमुत बन्धुत्वमनयोः ।
त्वयैव क्षन्तव्याः शिव मदपराधाश्च सकलाः
प्रयत्नात्कर्तव्यं मदवनमियं बन्धु-सरणिः ।।14।।

उपेक्षा नो चेत् किं न हरसि भवद्ध्यान-विमुखां
दुराशा-भूयिष्ठां विधि-लिपिमशक्तो यदि भवान् ।
शिरस्तद्वैधात्रं न नखलु सुवृत्तं पशु-पते
कथं वा निर्यत्नं कर-नख-मुखेनैव लुलितम् ।।15।।

विरिञ्चिर्दीर्घायुर्भवतु भवता तत्पर-शिरश्चतुष्कं
संरक्ष्यं स खलु भुवि दैन्यं लिखितवान् ।
विचारः को वा मां विशद-कृपया पाति शिव ते
कटाक्ष-व्यापारः स्वयमपि च दीनावन-परः ।।16।।

फलाद्वा पुण्यानां मयि करुणया वा त्वयि विभो
प्रसन्नेऽपि स्वामिन् भवदमल-पादाब्ज-युगलम् ।
कथं पश्येयं मां स्थगयति नमः-संभ्रम-जुषां
निलिंपानां श्रेणिर्निज-कनक-माणिक्य-मकुटैः ।।17।।

त्वमेको लोकानां परम-फलदो दिव्य-पदवीं
वहन्तस्त्वन्मूलां पुनरपि भजन्ते हरि-मुखाः ।
कियद्वा दाक्षिण्यं तव शिव मदाशा च कियती
कदा वा मद्रक्षां वहसि करुणा-पूरित-दृशा ।।18।।

दुराशा-भूयिष्ठे दुरधिप-गृह-द्वार-घटके
दुरन्ते संसारे दुरित-निलये दुःख जनके ।
मदायासं किं न व्यपनयसि कस्योपकृतये
वदेयं प्रीतिश्चेत् तव शिव कृतार्थाः खलु वयम् ।।19।।

सदा मोहाटव्यां चरति युवतीनां कुच-गिरौ
नटत्याशा-शाखास्वटति झटिति स्वैरमभितः ।
कपालिन् भिक्षो मे हृदय-कपिमत्यन्त-चपलं
दृढं भक्त्या बद्ध्वा शिव भवदधीनं कुरु विभो ।।20।।

धृति-स्तंभाधारं दृढ-गुण निबद्धां सगमनां
विचित्रां पद्माढ्यां प्रति-दिवस-सन्मार्ग-घटिताम् ।
स्मरारे मच्चेतः-स्फुट-पट-कुटीं प्राप्य विशदां
जय स्वामिन् शक्त्या सह शिव गणैस्सेवित विभो ।।21।।

प्रलोभाद्यैः अर्थाहरण पर-तन्त्रो धनि-गृहे
प्रवेशोद्युक्तस्सन् भ्रमति बहुधा तस्कर-पते
इमं चेतश्चोरं कथमिह सहे शंकर विभो
तवाधीनं कृत्वा मयि निरपराधे कुरु कृपाम् ।।22।।

करोमि त्वत्पूजां सपदि सुखदो मे भव विभो
विधित्वं विष्णुत्वम् दिशसि खलु तस्याः फलमिति ।
पुनश्च त्वां द्रष्टुं दिवि भुवि वहन् पक्षि-मृगतां-
अदृष्ट्वा तत्खेदं कथमिह सहे शंकर विभो ।।23।।

कदा वा कैलासे कनक-मणि-सौधे सह-गणैः-
वसन् शंभोरग्रे स्फुट-घटित मूर्धांजलि-पुटः ।
विभो सांब स्वामिन् परमशिव पाहीति निगदन्
विधातॄणां कल्पान् क्षणमिव विनेष्यामि सुखतः ।।24।।

स्तवैर्ब्रह्मादीनां जय-जय-वचोभिः नियमानां
गणानां केलीभिः मदकल-महोक्षस्य ककुदि ।
स्थितं नील-ग्रीवं त्रि-नयनं-उमाश्लिष्ट-वपुषं
कदा त्वां पश्येयं कर-धृत-मृगं खण्ड-परशुम् ।।25।।

कदा वा त्वां दृष्ट्वा गिरिश तव भव्यांघ्रि-युगलं
गृहीत्वा हस्ताभ्यां शिरसि नयने वक्षसि वहन् ।
समाश्लिष्याघ्राय स्फुट-जलज-गन्धान् परिमलान्-
अलभ्यां ब्रह्माद्यैः मुदमनुभविष्यामि हृदये ।।26।।

करस्थे हेमाद्रौ गिरिश निकटस्थे धन-पतौ
गृहस्थे स्वर्भूजाऽमर-सुरभि-चिन्तामणि-गणे ।
शिरस्थे शीतांशौ चरण-युगलस्थे-अखिल शुभे
कमर्थं दास्येऽहं भवतु भवदर्थं मम मनः ।।27।।

सारूप्यं तव पूजने शिव महा-देवेति संकीर्तने
सामीप्यं शिव भक्ति-धुर्य-जनता-सांगत्य-संभाषणे ।
सालोक्यं च चराचरात्मक तनु-ध्याने भवानी-पते
सायुज्यं मम सिद्धिमत्र भवति स्वामिन् कृतार्थोस्म्यहम् ।।28।।

त्वत्पादांबुजमर्चयामि परमं त्वां चिन्तयाम्यन्वहं
त्वामीशं शरणं व्रजामि वचसा त्वामेव याचे विभो ।
वीक्षां मे दिश चाक्षुषीं सकरुणां दिव्यैश्चिरं प्रार्थितां
शंभो लोक-गुरो मदीय-मनसः सौख्योपदेशं कुरु ।।29।।

वस्त्रोद्धूत विधौ सहस्र-करता पुष्पार्चने विष्णुता
गन्धे गन्ध-वहात्मताऽन्न-पचने बहिर्मुखाध्यक्षता ।
पात्रे कांचन-गर्भतास्ति मयि चेद् बालेन्दु चूडा-मणे
शुश्रूषां करवाणि ते पशु-पते स्वामिन् त्रि-लोकी-गुरो ।।30।।

नालं वा परमोपकारकमिदं त्वेकं पशूनां पते
पश्यन् कुक्षि-गतान् चराचर-गणान् बाह्य-स्थितान् रक्षितुम् ।
सर्वामर्त्य-पलायनौषधं अति-ज्वाला-करं भी-करं
निक्षिप्तं गरलं गले न गलितं नोद्गीर्णमेव-त्वया ।।31।।

ज्वालोग्रस्सकलामराति-भयदः क्ष्वेलः कथं वा त्वया
दृष्टः किं च करे धृतः कर-तले किं पक्व जंबू-फलम् ।
जिह्वायां निहितश्च सिद्ध-घुटिका वा कण्ठ-देशे भृतः
किं ते नील-मणिर्विभूषणमयं शंभो महात्मन् वद ।।32।।

नालं वा सकृदेव देव भवतस्सेवा नतिर्वा नुतिः
पूजा वा स्मरणं कथा-श्रवणमप्यालोकनं मादृशाम् ।
स्वामिन्नस्थिर-देवतानुसरणायासेन किं लभ्यते
का वा मुक्तिरितः कुतो भवति चेत् किं प्रार्थनीयं तदा ।।33।।

किं ब्रूमस्तव साहसं पशु-पते कस्यास्ति शंभो
भवद्धैर्यं चेदृशमात्मनः स्थितिरियं चान्यैः कथं लभ्यते ।
भ्रश्यद्देव-गणं त्रसन्मुनि-गणं नश्यत्प्रपञ्चं लयं
पश्यन्निर्भय एक एव विहरत्यानन्द-सान्द्रो भवान् ।।34।।

योग-क्षेम-धुरंधरस्य सकलःश्रेयः प्रदोद्योगिनो
दृष्टादृष्ट-मतोपदेश-कृतिनो बाह्यान्तर-व्यापिनः ।
सर्वज्ञस्य दया-करस्य भवतः किं वेदितव्यं मया
शंभो त्वं परमान्तरंग इति मे चित्ते स्मराम्यन्वहम् ।।35।।

भक्तो भक्ति-गुणावृते मुदमृता-पूर्णे प्रसन्ने मनः
कुम्भे सांब तवांघ्रि-पल्लव युगं संस्थाप्य संवित्फलम् ।
सत्त्वं मन्त्रमुदीरयन्निज शरीरागार शुद्धिं वहन्
पुण्याहं प्रकटी करोमि रुचिरं कल्याणमापादयन् ।।36।।

आम्नायांबुधिमादरेण सुमनस्संघाः-समुद्यन्मनो
मन्थानं दृढ भक्ति-रज्जु-सहितं कृत्वा मथित्वा ततः ।
सोमं कल्प-तरुं सुपर्व-सुरभिं चिन्ता-मणिं धीमतां
नित्यानन्द-सुधां निरन्तर-रमा-सौभाग्यमातन्वते ।।37।।

प्राक्पुण्याचल-मार्ग-दर्शित-सुधा-मूर्तिः प्रसन्नश्शिवः
सोमस्सद्-गुण-सेवितो मृग-धरः पूर्णास्तमो मोचकः ।
चेतः पुष्कर लक्षितो भवति चेदानन्द-पाथो निधिः
प्रागल्भ्येन विजृंभते सुमनसां वृत्तिस्तदा जायते ।।38।।

धर्मो मे चतुरंघ्रिकः सुचरितः पापं विनाशं गतं
काम-क्रोध-मदादयो विगलिताः कालाः सुखाविष्कृताः ।
ज्ञानानन्द-महौषधिः सुफलिता कैवल्य नाथे सदा
मान्ये मानस-पुण्डरीक-नगरे राजावतंसे स्थिते ।।39।।

धी-यन्त्रेण वचो-घटेन कविता-कुल्योपकुल्याक्रमैः-
आनीतैश्च सदाशिवस्य चरितांभोराशि-दिव्यामृतैः ।
हृत्केदार-युताश्च भक्ति-कलमाः साफल्यमातन्वते
दुर्भिक्षान्मम सेवकस्य भगवन् विश्वेश भीतिः कुतः ।।40।।

पापोत्पात-विमोचनाय रुचिरैश्वर्याय मृत्युं-जय
स्तोत्र-ध्यान-नति-प्रदिक्षिण-सपर्यालोकनाकर्णने ।
जिह्वा-चित्त-शिरोंघ्रि-हस्त-नयन-श्रोत्रैरहं प्रार्थितो
मामाज्ञापय तन्निरूपय मुहुर्मामेव मा मेऽवचः ।।41।।

गांभीर्यं परिखा-पदं घन-धृतिः प्राकार उद्यद्गुण
स्तोमश्चाप्त बलं घनेन्द्रिय-चयो द्वाराणि देहे स्थितः ।
विद्या-वस्तु-समृद्धिरित्यखिल-सामग्री-समेते सदा
दुर्गाति-प्रिय-देव मामक-मनो-दुर्गे निवासं कुरु ।।42।।

मा गच्छ त्वमितस्ततो गिरिश भो मय्येव वासं कुरु
स्वामिन्नादि किरात मामक-मनः कान्तार-सीमान्तरे ।
वर्तन्ते बहुशो मृगा मद-जुषो मात्सर्य-मोहादयः
तान् हत्वा मृगया विनोद रुचिता-लाभं च संप्राप्स्यसि ।।43।।

कर-लग्न मृगः करीन्द्र-भंगो
घन शार्दूल-विखण्डनोऽस्त-जन्तुः ।
गिरिशो विशदाकृतिश्च चेतः
कुहरे पञ्च मुखोस्ति मे कुतो भीः ।।44।।

छन्दश्शाखि शिखान्वितैः द्विज-वरैः संसेविते शाश्वते
सौख्यापादिनि खेद-भेदिनि सुधा-सारैः फलैर्दीपिते ।
चेतः पक्षि शिखा-मणे त्यज वृथा संचारं अन्यैरलं
नित्यं शंकर-पाद-पद्म-युगली-नीडे विहारं कुरु ।।45।।

आकीर्णे नख-राजि-कान्ति-विभवैरुद्यत्-सुधा-वैभवैः
आधौतेपि च पद्म-राग-ललिते हंस-व्रजैराश्रिते ।
नित्यं भक्ति-वधू गणैश्च रहसि स्वेच्छा-विहारं कुरु
स्थित्वा मानस-राज-हंस गिरिजा नाथांघ्रि-सौधान्तरे ।।46।।

शंभु-ध्यान-वसन्त-संगिनि हृदारामे-अघ-जीर्णच्छदाः
स्रस्ता भक्ति लताच्छटा विलसिताः पुण्य-प्रवाल-श्रिताः ।
दीप्यन्ते गुण-कोरका जप-वचः पुष्पाणि सद्वासना
ज्ञानानन्द-सुधा-मरन्द-लहरी संवित्फलाभ्युन्नतिः ।।47।।

नित्यानन्द-रसालयं सुर-मुनि-स्वान्तांबुजाताश्रयं
स्वच्छं सद्द्विज-सेवितं कलुष-हृत् सद्वासनाविष्कृतम् ।
शंभु-ध्यान-सरोवरं व्रज मनो-हंसावतंस स्थिरं
किं क्षुद्राश्रय-पल्वल-भ्रमण-संजात-श्रमं प्राप्स्यसि ।।48।।

आनन्दामृत-पूरिता हर-पदांभोजालवालोद्यता
स्थैर्योपघ्नमुपेत्य भक्ति लतिका शाखोपशाखान्विता ।
उच्छैर्मानस कायमान-पटलीमाक्रंय निष्कल्मषा
नित्याभीष्ट फल-प्रदा भवतु मे सत्कर्म संवर्धिता ।।49।।

सन्ध्यारंभ-विजृंभितं श्रुति-शिर स्थानान्तराधिष्ठितं
सप्रेम भ्रमराभिराममसकृत् सद्वासना शोभितम् ।
भोगीन्द्राभरणं समस्त सुमनःपूज्यं गुणाविष्कृतं
सेवे श्रीगिरि मल्लिकार्जुन महा-लिंगं शिवालिंगितम् ।।50।।

भृंगीच्छा-नटनोत्कटः करि-मद-ग्राही स्फुरन्-
माधवाह्लादो नाद-युतो महासित-वपुः पंचेषुणा चादृतः ।
सत्पक्षस्सुमनो-वनेषु स पुनः साक्षान्मदीये मनो
राजीवे भ्रमराधिपो विहरतां श्रीशैल-वासी विभुः ।।51।।

कारुण्यामृत-वर्षिणं घन-विपद्-ग्रीष्मच्छिदा-कर्मठं
विद्या-सस्य-फलोदयाय सुमनस्संसेव्यं इच्छाकृतिम् ।
नृत्यद्भक्त-मयूरं अद्रि-निलयं चंचज्जटा मण्डलं
शंभो वांछति नील-कन्धर सदा त्वां मे मनश्चातकः ।।52।।

आकाशेन शिखी समस्त फणिनां नेत्रा कलापी
नताऽनुग्राहि प्रणवोपदेश निनदैः केकीति यो गीयते
श्यामां शैल समुद्भवां घन-रुचिं दृष्ट्वा नटन्तं मुदा
वेदान्तोपवने विहार-रसिकं तं नील-कण्ठं भजे ।।53।।

सन्ध्या घर्म-दिनात्ययो हरि-कराघात-प्रभूतानक-
ध्वानो वारिद गर्जितं दिविषदां दृष्टिच्छटा चंचला ।
भक्तानां परितोष बाष्प विततिर्वृष्टिर्मयूरी शिवा
यस्मिन्नुज्ज्वल ताण्डवं विजयते तं नील-कण्ठं भजे ।।54।।

आद्यायामित तेजसे श्रुति पदैर्वेद्याय साध्याय ते
विद्यानन्द-मयात्मने त्रि-जगतस्संरक्षणोद्योगिने ।
ध्येयायाखिल योगिभिस्सुर-गणैर्गेयाय मायाविने
संयक् ताण्डव संभ्रमाय जटिने सेयं नतिश्शंभवे ।।55।।

नित्याय त्रिगुणात्मने पुर-जिते कात्यायनी श्रेयसे
सत्यायादि कुटुम्बिने मुनि-मनः प्रत्यक्ष चिन्मूर्तये ।
माया सृष्ट जगत्त्रयाय सकलाम्नायान्त संचारिणे
सायं ताण्डव संभ्रमाय जटिने सेयं नतिश्शंभवे ।।56।।

नित्यं स्वोदर पोषणाय सकलानुद्दिश्य वित्ताशया
व्यर्थं पर्यटनं करोमि भवतस्सेवां न जाने विभो ।
मज्जन्मान्तर पुण्य-पाक बलतस्त्वं शर्व सर्वान्तरः-
तिष्ठस्येव हि तेन वा पशु-पते ते रक्षणीयोऽस्म्यहम् ।।57।।

एको वारिज बान्धवः क्षिति-नभो व्याप्तं तमो-मण्डलं
भित्वा लोचन-गोचरोपि भवति त्वं कोटि-सूर्य प्रभः ।
वेद्यः किं न भवस्यहो घन-तरं कीदृङ्-भवेन्-मत्तमस्-
तत्सर्वं व्यपनीय मे पशु-पते साक्षात् प्रसन्नो भव ।।58।।

हंसः पद्म-वनं समिच्छति यथा नीलांबुदं चातकः
कोकः कोक-नद प्रियं प्रति-दिनं चन्द्रं चकोरस्तथा ।
चेतो वाञ्छति मामकं पशु-पते चिन्मार्ग मृग्यं विभो
गौरी नाथ भवत्पदाब्ज-युगलं कैवल्य सौख्य-प्रदम् ।।59।।

रोधस्तोयहृतः श्रमेण पथिकश्छायां तरोर्वृष्टितः
भीतः स्वस्थ गृहं गृहस्थं अतिथिर्दीनः प्रभं धार्मिकम् ।
दीपं सन्तमसाकुलश्च शिखिनं शीतावृतस्त्वं तथा
चेतस्सर्व भयापहं व्रज सुखं शंभोः पदांभोरुहम् ।।60।।

अंकोलं निज बीज सन्ततिरयस्कान्तोपलं सूचिका
साध्वी नैज विभुं लता क्षिति-रुहं सिन्धुस्सरिद् वल्लभम् ।
प्राप्नोतीह यथा तथा पशु-पतेः पादारविन्द-द्वयं
चेतो-वृत्तिरुपेत्य तिष्ठति सदा सा भक्तिरित्युच्यते ।।61।।

आनन्दाश्रुभिरातनोति पुलकं नैर्मल्यतश्छादनं
वाचा शंख मुखे स्थितैश्च जठरा-पूर्तिं चरित्रामृतैः ।
रुद्राक्षैर्भसितेन देव वपुषो रक्षां भवद्भावना-
पर्यंके विनिवेश्य भक्ति जननी भक्तार्भकं रक्षति ।।62।।

मार्गावर्तित पादुका पशु-पतेरङ्गस्य कूर्चायते
गण्डूषांबु निषेचनं पुर-रिपोर्दिव्याभिषेकायते
किंचिद्भक्षित मांस-शेष-कबलं नव्योपहारायते
भक्तिः किं न करोत्यहो वन-चरो भक्तावतंसायते ।।63।।

वक्षस्ताडनमन्तकस्य कठिनापस्मार संमर्दनं
भूभृत् पर्यटनं नमत्सुर-शिरः कोटीर संघर्षणम् ।
कर्मेदं मृदुलस्य तावक-पद द्वन्द्वस्य गौरी-पते
मच्चेतो मणि-पादुका विहरणं शंभो सदांगी-कुरु ।।64।।

वक्षस्ताडन शंकया विचलितो वैवस्वतो निर्जराः
कोटीरोज्ज्वल रत्न-दीप-कलिका नीराजनं कुर्वते ।
दृष्ट्वा मुक्ति-वधूस्तनोति निभृताश्लेषं भवानी-पते
यच्चेतस्तव पाद-पद्म-भजनं तस्येह किं दुर्लभम् ।।65।।

क्रीडार्थं सृजसि प्रपंचमखिलं क्रीडा-मृगास्ते जनाः
यत्कर्माचरितं मया च भवतः प्रीत्यै भवत्येव तत् ।
शंभो स्वस्य कुतूहलस्य करणं मच्चेष्टितं निश्चितं
तस्मान्मामक रक्षणं पशु-पते कर्तव्यमेव त्वया ।।66।।

बहु-विध परितोष बाष्प-पूर
स्फुट पुलकांकित चारु-भोग भूमिम् ।
चिर-पद फल-कांक्षि सेव्यमानां
परम सदाशिव भावनां प्रपद्ये ।।67।।

अमित मुदमृतं मुहुर्दुहन्तीं
विमल भवत्पद-गोष्ठमावसन्तीम् ।
सदय पशु-पते सुपुण्य पाकां
मम परिपालय भक्ति धेनुमेकाम् ।।68।।

जडता पशुता कलंकिता
कुटिल चरत्वं च नास्ति मयि देव ।
अस्ति यदि राज-मौले
भवदाभरणस्य नास्मि किं पात्रम् ।।69।।

अरहसि रहसि स्वतन्त्र बुद्ध्या
वरि-वसितुं सुलभः प्रसन्न मूर्तिः ।
अगणित फल-दायकः प्रभुर्मे
जगदधिको हृदि राज शेखरोस्ति ।।70।।

आरूढ भक्ति-गुण कुंचित भाव चाप
युक्तैश्शिव स्मरण बाण-गणैरमोघैः ।
निर्जित्य किल्बिष-रिपून् विजयी
सुधीन्द्रस्सानन्दमावहति सुस्थिर राज-लक्ष्मीम् ।।71।।

ध्यानांजनेन समवेक्ष्य तमःप्रदेशं
भित्वा महा-बलिभिरीश्वर-नाम मन्त्रैः ।
दिव्याश्रितं भुजग-भूषणमुद्वहन्ति
ये पाद पद्ममिह ते शिव ते कृतार्थाः ।।72।।

भू-दारतामुदवहद् यदपेक्षया श्री-
भू-दार एव किमतस्सुमते लभस्व ।
केदारमाकलित मुक्ति महौषधीनां
पादारविन्द भजनं परमेश्वरस्य ।।73।।

आशा-पाश-क्लेश-दुर्वासनादि-
भेदोद्युक्तैः दिव्य-गन्धैरमन्दैः ।
आशा-शाटीकस्य पादारविन्दं
चेतःपेटीं वासितां मे तनोतु ।।74।।

कल्याणिनं सरस-चित्र-गतिं सवेगं
सर्वेंगितज्ञमनघं ध्रुव लक्षणाढ्यम् ।
चेतस्तुरंगम् अधिरुह्य चर स्मरारे
नेतस्समस्त जगतां वृषभाधिरूढ ।।75।।

भक्तिर्महेश पद-पुष्करमावसन्ती
कादंबिनीव कुरुते परितोष-वर्षम् ।
संपूरितो भवति यस्य मनस्तटाकः-
तज्जन्म-सस्यमखिलं सफलं च नान्यत् ।।76।।

बुद्धिःस्थिरा भवितुमीश्वर पाद-पद्म
सक्ता वधूर्विरहिणीव सदा स्मरन्ती ।
सद्भावना स्मरण-दर्शन-कीर्तनादि
संमोहितेव शिव-मन्त्र जपेन विन्ते ।।77।।

सदुपचार विधिष्वनुबोधितां
सविनयां सुहृदं सदुपाश्रिताम् ।
मम समुद्धर बुद्धिमिमां प्रभो
वर-गुणेन नवोढ वधूमिव ।।78।।

नित्यं योगि मनस्सरोज-दल संचार क्षमस्त्वत्
क्रमश्शंभो तेन कथं कठोर यमराड् वक्षःकवाट-क्षतिः ।
अत्यन्तं मृदुलं त्वदंघ्रि युगलं हा मे मनश्चिन्तयति-
एतल्लोचन गोचरं कुरु विभो हस्तेन संवाहये ।।79।।

एष्यत्येष जनिं मनोऽस्य कठिनं तस्मिन्नटानीति
मद्रक्षायै गिरि सीम्नि कोमल-पदन्यासः पुराभ्यासितः ।
नोचेद् दिव्य गृहान्तरेषु सुमनस्तल्पेषु वेद्यादिषु
प्रायस्सत्सु शिला-तलेषु नटनं शंभो किमर्थं तव ।।80।।

कंचित्कालमुमा-महेश भवतः पादारविन्दार्चनैः
कंचिद्ध्यान समाधिभिश्च नतिभिः कञ्चित् कथाकर्णनैः ।
कंचित् कंचिदवेक्षणैश्च नुतिभिः कंचिद्दशामीदृशीं
यःप्राप्नोति मुदा त्वदर्पित मना जीवन् स मुक्तःखलु ।।81।।

बाणत्वं वृषभत्वं अर्ध-वपुषा भार्यात्वं आर्या-पते
घोणित्वं सखिता मृदंग वहता चेत्यादि रूपं दधौ ।
त्वत्पादे नयनार्पणं च कृतवान् त्वद्देह भागो हरिः
पूज्यात्पूज्य-तरस्स एव हि न चेत् को वा तदन्योऽधिकः ।।82।।

जनन-मृति-युतानां सेवया देवतानां
न भवति सुख लेशस्संशयो नास्ति तत्र ।
अजनिममृत रूपं सांबमीशं भजन्ते
य इह परम सौख्यं ते हि धन्या लभन्ते ।।83।।

शिव तव परिचर्या सन्निधानाय गौर्या
भव मम गुण-धुर्यां बुद्धि-कन्यां प्रदास्ये ।
सकल भुवन बन्धो सच्चिदानन्द सिन्धो
सदय हृदय-गेहे सर्वदा संवस त्वम् ।।84।।

जलधि मथन दक्षो नैव पाताल भेदी
न च वन मृगयायां नैव लुब्धः प्रवीणः ।
अशन कुसुम भूषा वस्त्र मुख्यां सपर्यां
कथय कथमहं ते कल्पयानीन्दु-मौले ।।85।।

पूजा-द्रव्य समृद्धयो विरचिताः पूजां कथं कुर्महे
पक्षित्वं न च वा कीटित्वमपि न प्राप्तं मया दुर्लभम् ।
जाने मस्तकमङ्घ्रि-पल्लवमुमा जाने न तेऽहं विभो
न ज्ञातं हि पितामहेन हरिणा तत्त्वेन तद्रूपिणा ।।86।।

अशनं गरलं फणी कलापो
वसनं चर्म च वाहनं महोक्षः ।
मम दास्यसि किं किमस्ति शंभो
तव पादांबुज भक्तिमेव देहि ।।87।।

यदा कृतांभो-निधि सेतु-बन्धनः
करस्थ लाधः कृत पर्वताधिपः ।
भवानि ते लंघित पद्म-सम्भवः
तदा शिवार्चास्तव भावन-क्षमः ।।88।।

नतिभिर्नुतिभिस्त्वमीश पूजा
विधिभिर्ध्यान-समाधिभिर्न तुष्टः ।
धनुषा मुसलेन चाश्मभिर्वा
वद ते प्रीति-करं तथा करोमि ।।89।।

वचसा चरितं वदामि
शंभोरहं उद्योग विधासु तेऽप्रसक्तः ।
मनसाकृतिमीश्वरस्य सेवे
शिरसा चैव सदाशिवं नमामि ।।90।।

आद्याऽविद्या हृद्गता निर्गतासीत्-
विद्या हृद्या हृद्गता त्वत्प्रसादात् ।
सेवे नित्यं श्री-करं त्वत्पदाब्जं
भावे मुक्तेर्भाजनं राज-मौले ।।91।।

दूरीकृतानि दुरितानि दुरक्षराणि
दौर्भाग्य दुःख दुरहंकृति दुर्वचांसि ।
सारं त्वदीय चरितं नितरां पिबन्तं
गौरीश मामिह समुद्धर सत्कटाक्षैः ।।92।।

सोम कला-धर-मौलौ
कोमल घन-कन्धरे महा-महसि ।
स्वामिनि गिरिजा नाथे
मामक हृदयं निरन्तरं रमताम् ।।93।।

सा रसना ते नयने
तावेव करौ स एव कृतकृत्यः ।
या ये यौ यो भर्गं
वदतीक्षेते सदार्चतः स्मरति ।।94।।

अति मृदुलौ मम
चरणावति कठिनं ते मनो भवानीश ।
इति विचिकित्सां संत्यज
शिव कथमासीद्गिरौ तथा प्रवेशः ।।95।।

धैयांकुशेन निभृतं
रभसादाकृष्य भक्ति-शृंखलया ।
पुर-हर चरणालाने
हृदय मदेभं बधान चिद्यन्त्रैः ।।96।।

प्रचरत्यभितः प्रगल्भ-वृत्त्या
मदवानेष मनः-करी गरीयान् ।
परिगृह्य नयेन भक्ति-रज्ज्वा
परम स्थाणु-पदं दृढं नयामुम् ।।97।।

सर्वालंकार-युक्तां सरल-पद-युतां साधु-वृत्तां सुवर्णां
सद्भिस्संस्तूयमानां सरस गुण-युतां लक्षितां लक्षणाढ्याम् ।
उद्यद्भूषा-विशेषाम् उपगत-विनयां द्योतमानार्थ-रेखां
कल्याणीं देव गौरी-प्रिय मम कविता-कन्यकां त्वं गृहाण ।।98।।

इदं ते युक्तं वा परम-शिव कारुण्य जलधे
गतौ तिर्यग्रूपं तव पद-शिरो-दर्शन-धिया ।
हरि-ब्रह्माणौ तौ दिवि भुवि चरन्तौ श्रम-युतौ
कथं शंभो स्वामिन् कथय मम वेद्योसि पुरतः ।।99।।

स्तोत्रेणालं अहं प्रवच्मि न मृषा देवा विरिंचादयः
स्तुत्यानां गणना-प्रसंग-समये त्वामग्रगण्यं विदुः ।
माहात्म्याग्र-विचारण-प्रकरणे धाना-तुषस्तोमवत्
धूतास्त्वां विदुरुत्तमोत्तम फलं शंभो भवत्सेवकाः ।।100।।

इति श्रीमत्परम-हंस परिव्राजकाचार्य-
श्रीमत् शंकराचार्य विरचिता शिवानन्द लहरी समाप्ता ।।

Sivananda Lahari - Text only - Tamil Version

On the occasion of Maha Sivarathri, I attach herewith 'Sivananda Lahari' (Text only) by Adi Sankaracharya. The meanings for this wonderful Bhakti treatise may be obtained from http://www.kanchiforum.org/forum/viewtopic.php?t=1863 and also from the book published by RK Mission, Mylapore (Translation by Swami Tapasyananda)
This has been rendered in full by M. Balamurali Krishna.

||ஸ்ரீ:||
||ஸி₁வாப்₄யாம் நம:||
||ஸி₁வானந்த₃-லஹரீ||

கலாப்₄யாம் சூடா₃லங்க்ரு₂த-ஸ₁ஸி₁ கலாப்₄யாம் நிஜ தப:-
ப₂லாப்₄யாம் ப₄க்தேஷு ப்ரகடித-ப₂லாப்₄யாம் ப₄வது மே |
ஸி₁வாப்₄யாமஸ்தோக-த்ரிபு₄வன-ஸி₁வாப்₄யாம் ஹ்ரு₂தி₃
புனர்ப₄வாப்₄யாமானந்த₃-ஸ்பு₂ரத₃னுப₄வாப்₄யாம் நதிரியம் ||1||

க₃லந்தீ ஸ₁ம்போ₄ த்வச்சரித-ஸரித: கில்பி₃ஷரஜோ
த₃லந்தீ தீ₄குல்யா-ஸரணிஷு பதந்தீ விஜயதாம் |
தி₃ஸ₁ந்தீ ஸம்ஸார-ப்₄ரமண-பரிதாபோபஸ₁மனம்
வஸந்தீ மச்சேதோ-ஹ்ரு₂த₃பு₄வி ஸி₁வானந்த₃-லஹரீ ||2||

த்ரயீ-வேத்₃யம் ஹ்ரு₂த்₃யம் த்ரி-புர-ஹரமாத்₃யம் த்ரி-நயனம்
ஜடா-பா₄ரோதா₃ரம் சலது₃ரக₃-ஹாரம் ம்ரு₂க₃ த₄ரம் |
மஹா-தே₃வம் தே₃வம் மயி ஸத₃ய-பா₄வம் பஸு₁பதிம்
சிதா₃லம்ப₃ம் ஸாம்ப₃ம் ஸி₁வமதி-விட₃ம்ப₃ம் ஹ்ரு₂தி₃ ப₄ஜே ||3||

ஸஹஸ்ரம் வர்தந்தே ஜக₃தி விபு₃தா₄: க்ஷுத்₃ர-ப₂லதா₃
ந மன்யே ஸ்வப்னே வா தத₃னுஸரணம் தத்க்ரு₂த-ப₂லம் |
ஹரி-ப்₃ரஹ்மாதீ₃னாமபி நிகட-பா₄ஜாம்-அஸுலப₄ம்
சிரம் யாசே ஸ₁ம்போ₄ ஸி₁வ தவ பதா₃ம்போ₄ஜ-ப₄ஜனம் ||4||

ஸ்ம்ரு₂தௌ ஸா₁ஸ்த்ரே வைத்₃யே ஸ₁குன-கவிதா-கா₃ன-ப₂ணிதௌ
புராணே மந்த்ரே வா ஸ்துதி-நடன-ஹாஸ்யேஷ்வசதுர:|
கத₂ம் ராக்₃ஞாம் ப்ரீதிர்ப₄வதி மயி கோऽஹம் பஸு₁பதே
பஸு₁ம் மாம் ஸர்வக்₃ஞ ப்ரதி₂த-க்ரு₂பயா பாலய விபோ₄ ||5||

க₄டோ வா ம்ரு₂த்பிண்டோ₃ऽப்யணுரபி ச தூ₄மோऽக்₃னிரசல:
படோ வா தந்துர்வா பரிஹரதி கிம் கோ₄ர-ஸ₁மனம் |
வ்ரு₂தா₂ கண்ட₂-க்ஷோப₄ம் வஹஸி தரஸா தர்க-வசஸா
பதா₃ம்போ₄ஜம் ஸ₁ம்போ₄ர்ப₄ஜ பரம-ஸௌக்₂யம் வ்ரஜ ஸுதீ₄: ||6||

மனஸ்தே பாதா₃ப்₃ஜே நிவஸது வச: ஸ்தோத்ர-ப₂ணிதௌ
கரௌ சாப்₄யர்சாயாம் ஸ்₁ருதிரபி கதா₂கர்ணன-விதௌ₄ |
தவ த்₄யானே பு₃த்₃தி₄ர் நயன-யுக₃லம் மூர்தி-விப₄வே
பர-க்₃ரந்தா₂ன் கைர்வா பரமஸி₁வ ஜானே பரமத: ||7||

யதா₂ பு₃த்₃தி₄ஸ்₁ஸு₁க்தௌ ரஜதமிதி காசாஸ்₁மனி மணி:
ஜலே பைஷ்டே க்ஷீரம் ப₄வதி ம்ரு₂க₃-த்ரு₂ஷ்ணாஸு ஸலிலம் |
ததா₂ தே₃வ-ப்₄ராந்த்யா ப₄ஜதி ப₄வத₃ன்யம் ஜட₃ ஜனோ
மஹா-தே₃வேஸ₁ம் த்வாம் மனஸி ச ந மத்வா பஸு₁பதே ||8||

க₃பீ₄ரே காஸாரே விஸ₁தி விஜனே கோ₄ர-விபினே
விஸா₁லே ஸை₁லே ச ப்₄ரமதி குஸுமார்த₂ம் ஜட₃-மதி: |
ஸமர்ப்யைகம் சேதஸ்ஸரஸிஜம் உமா-நாத₂ ப₄வதே
ஸுகே₂னாவஸ்தா₂தும் ஜன இஹ ந ஜானாதி கிமஹோ || 9 ||

நரத்வம் தே₃வத்வம் நக₃-வன-ம்ரு₂க₃த்வம் மஸ₁கதா
பஸு₁த்வம் கீடத்வம் ப₄வது விஹக₃த்வாதி₃-ஜனனம் |
ஸதா₃ த்வத்பாதா₃ப்₃ஜ-ஸ்மரண-பரமானந்த₃-லஹரீ
விஹாராஸக்தம் சேத்₃ ஹ்ரு₂த₃யமிஹ கிம் தேன வபுஷா ||10||

வடுர்வா கே₃ஹீ வா யதிரபி ஜடீ வா ததி₃தரோ
நரோ வா ய: கஸ்₁சித்₃-ப₄வது ப₄வ கிம் தேன ப₄வதி |
யதீ₃யம் ஹ்ரு₂த்பத்₃மம் யதி₃ ப₄வத₃தீ₄னம் பஸு₁-பதே
ததீ₃யஸ்த்வம் ஸ₁ம்போ₄ ப₄வஸி ப₄வ பா₄ரம் ச வஹஸி ||11||

கு₃ஹாயாம் கே₃ஹே வா ப₃ஹிரபி வனே வாऽத்₃ரி-ஸி₁க₂ரே
ஜலே வா வஹ்னௌ வா வஸது வஸதே: கிம் வத₃ ப₂லம் |
ஸதா₃ யஸ்யைவாந்த:கரணமபி ஸ₁ம்போ₄ தவ பதே₃
ஸ்தி₂தம் சேத்₃ யோகோ₃ऽஸௌ ஸ ச பரம-யோகீ₃ ஸ ச ஸுகீ₂ ||12||

அஸாரே ஸம்ஸாரே நிஜ-ப₄ஜன-தூ₃ரே ஜட₃தி₄யா
ப்₄ரமந்தம் மாமந்த₄ம் பரம-க்ரு₂பயா பாதுமுசிதம் |
மத₃ன்ய: கோ தீ₃னஸ்தவ க்ரு₂பண ரக்ஷாதி-நிபுண:-
த்வத₃ன்ய: கோ வா மே த்ரி-ஜக₃தி ஸ₁ரண்ய: பஸு₁-பதே ||13||

ப்ரபு₄ஸ்த்வம் தீ₃னானாம் க₂லு பரம-ப₃ந்து₄: பஸு₁-பதே
ப்ரமுக்₂யோऽஹம் தேஷாமபி கிமுத ப₃ந்து₄த்வமனயோ: |
த்வயைவ க்ஷந்தவ்யா: ஸி₁வ மத₃பராதா₄ஸ்₁ச ஸகலா:
ப்ரயத்னாத்கர்தவ்யம் மத₃வனமியம் ப₃ந்து₄-ஸரணி: ||14||

உபேக்ஷா நோ சேத் கிம் ந ஹரஸி ப₄வத்₃த்₄யான-விமுகா₂ம்
து₃ராஸா₁-பூ₄யிஷ்டா₂ம் விதி₄-லிபிமஸ₁க்தோ யதி₃ ப₄வான் |
ஸி₁ரஸ்தத்₃வைதா₄த்ரம் ந நக₂லு ஸுவ்ரு₂த்தம் பஸு₁-பதே
கத₂ம் வா நிர்யத்னம் கர-நக₂-முகே₂னைவ லுலிதம் ||15||

விரிஞ்சிர்தீ₃ர்கா₄யுர்ப₄வது ப₄வதா தத்பர-ஸி₁ரஸ்₁சதுஷ்கம்
ஸம்ரக்ஷ்யம் ஸ க₂லு பு₄வி தை₃ன்யம் லிகி₂தவான் |
விசார: கோ வா மாம் விஸ₁த₃-க்ரு₂பயா பாதி ஸி₁வ தே
கடாக்ஷ-வ்யாபார: ஸ்வயமபி ச தீ₃னாவன-பர: ||16||

ப₂லாத்₃வா புண்யானாம் மயி கருணயா வா த்வயி விபோ₄
ப்ரஸன்னேऽபி ஸ்வாமின் ப₄வத₃மல-பாதா₃ப்₃ஜ-யுக₃லம் |
கத₂ம் பஸ்₁யேயம் மாம் ஸ்த₂க₃யதி நம:-ஸம்ப்₄ரம-ஜுஷாம்
நிலிம்பானாம் ஸ்₁ரேணிர்நிஜ-கனக-மாணிக்ய-மகுடை: ||17||

த்வமேகோ லோகானாம் பரம-ப₂லதோ₃ தி₃வ்ய-பத₃வீம்
வஹந்தஸ்த்வன்மூலாம் புனரபி ப₄ஜந்தே ஹரி-முகா₂: |
கியத்₃வா தா₃க்ஷிண்யம் தவ ஸி₁வ மதா₃ஸா₁ ச கியதீ
கதா₃ வா மத்₃ரக்ஷாம் வஹஸி கருணா-பூரித-த்₃ரு₂ஸா₁ ||18||

து₃ராஸா₁-பூ₄யிஷ்டே₂ து₃ரதி₄ப-க்₃ரு₂ஹ-த்₃வார-க₄டகே
து₃ரந்தே ஸம்ஸாரே து₃ரித-நிலயே து₃:க₂ ஜனகே |
மதா₃யாஸம் கிம் ந வ்யபனயஸி கஸ்யோபக்ரு₂தயே
வதே₃யம் ப்ரீதிஸ்₁சேத் தவ ஸி₁வ க்ரு₂தார்தா₂: க₂லு வயம் ||19||

ஸதா₃ மோஹாடவ்யாம் சரதி யுவதீனாம் குச-கி₃ரௌ
நடத்யாஸா₁-ஸா₁கா₂ஸ்வடதி ஜ₂டிதி ஸ்வைரமபி₄த: |
கபாலின் பி₄க்ஷோ மே ஹ்ரு₂த₃ய-கபிமத்யந்த-சபலம்
த்₃ரு₂ட₄ம் ப₄க்த்யா ப₃த்₃த்₄வா ஸி₁வ ப₄வத₃தீ₄னம் குரு விபோ₄ ||20||

த்₄ரு₂தி-ஸ்தம்பா₄தா₄ரம் த்₃ரு₂ட₄-கு₃ண நிப₃த்₃தா₄ம் ஸக₃மனாம்
விசித்ராம் பத்₃மாட்₄யாம் ப்ரதி-தி₃வஸ-ஸன்மார்க₃-க₄டிதாம் |
ஸ்மராரே மச்சேத:-ஸ்பு₂ட-பட-குடீம் ப்ராப்ய விஸ₁தா₃ம்
ஜய ஸ்வாமின் ஸ₁க்த்யா ஸஹ ஸி₁வ க₃ணைஸ்ஸேவித விபோ₄ ||21||

ப்ரலோபா₄த்₃யை: அர்தா₂ஹரண பர-தந்த்ரோ த₄னி-க்₃ரு₂ஹே
ப்ரவேஸோ₁த்₃யுக்தஸ்ஸன் ப்₄ரமதி ப₃ஹுதா₄ தஸ்கர-பதே
இமம் சேதஸ்₁சோரம் கத₂மிஹ ஸஹே ஸ₁ங்கர விபோ₄
தவாதீ₄னம் க்ரு₂த்வா மயி நிரபராதே₄ குரு க்ரு₂பாம் ||22||

கரோமி த்வத்பூஜாம் ஸபதி₃ ஸுக₂தோ₃ மே ப₄வ விபோ₄
விதி₄த்வம் விஷ்ணுத்வம் தி₃ஸ₁ஸி க₂லு தஸ்யா: ப₂லமிதி |
புனஸ்₁ச த்வாம் த்₃ரஷ்டும் தி₃வி பு₄வி வஹன் பக்ஷி-ம்ரு₂க₃தாம்-
அத்₃ரு₂ஷ்ட்வா தத்கே₂த₃ம் கத₂மிஹ ஸஹே ஸ₁ங்கர விபோ₄ ||23||

கதா₃ வா கைலாஸே கனக-மணி-ஸௌதே₄ ஸஹ-க₃ணை:-
வஸன் ஸ₁ம்போ₄ரக்₃ரே ஸ்பு₂ட-க₄டித மூர்தா₄ஞ்ஜலி-புட: |
விபோ₄ ஸாம்ப₃ ஸ்வாமின் பரமஸி₁வ பாஹீதி நிக₃த₃ன்
விதா₄த்ரு₃ணாம் கல்பான் க்ஷணமிவ வினேஷ்யாமி ஸுக₂த: ||24||

ஸ்தவைர்ப்₃ரஹ்மாதீ₃னாம் ஜய-ஜய-வசோபி₄: நியமானாம்
க₃ணானாம் கேலீபி₄: மத₃கல-மஹோக்ஷஸ்ய ககுதி₃ |
ஸ்தி₂தம் நீல-க்₃ரீவம் த்ரி-நயனம்-உமாஸ்₁லிஷ்ட-வபுஷம்
கதா₃ த்வாம் பஸ்₁யேயம் கர-த்₄ரு₂த-ம்ரு₂க₃ம் க₂ண்ட₃-பரஸு₁ம் ||25||

கதா₃ வா த்வாம் த்₃ரு₂ஷ்ட்வா கி₃ரிஸ₁ தவ ப₄வ்யாங்க்₄ரி-யுக₃லம்
க்₃ரு₂ஹீத்வா ஹஸ்தாப்₄யாம் ஸி₁ரஸி நயனே வக்ஷஸி வஹன் |
ஸமாஸ்₁லிஷ்யாக்₄ராய ஸ்பு₂ட-ஜலஜ-க₃ந்தா₄ன் பரிமலான்-
அலப்₄யாம் ப்₃ரஹ்மாத்₃யை: முத₃மனுப₄விஷ்யாமி ஹ்ரு₂த₃யே ||26||

கரஸ்தே₂ ஹேமாத்₃ரௌ கி₃ரிஸ₁ நிகடஸ்தே₂ த₄ன-பதௌ
க்₃ரு₂ஹஸ்தே₂ ஸ்வர்பூ₄ஜாऽமர-ஸுரபி₄-சிந்தாமணி-க₃ணே |
ஸி₁ரஸ்தே₂ ஸீ₁தாம்ஸௌ₁ சரண-யுக₃லஸ்தே₂-அகி₂ல ஸு₁பே₄
கமர்த₂ம் தா₃ஸ்யேऽஹம் ப₄வது ப₄வத₃ர்த₂ம் மம மன: ||27||

ஸாரூப்யம் தவ பூஜனே ஸி₁வ மஹா-தே₃வேதி ஸங்கீர்தனே
ஸாமீப்யம் ஸி₁வ ப₄க்தி-து₄ர்ய-ஜனதா-ஸாங்க₃த்ய-ஸம்பா₄ஷணே |
ஸாலோக்யம் ச சராசராத்மக தனு-த்₄யானே ப₄வானீ-பதே
ஸாயுஜ்யம் மம ஸித்₃தி₄மத்ர ப₄வதி ஸ்வாமின் க்ரு₂தார்தோ₂ஸ்ம்யஹம் ||28||

த்வத்பாதா₃ம்பு₃ஜமர்சயாமி பரமம் த்வாம் சிந்தயாம்யன்வஹம்
த்வாமீஸ₁ம் ஸ₁ரணம் வ்ரஜாமி வசஸா த்வாமேவ யாசே விபோ₄ |
வீக்ஷாம் மே தி₃ஸ₁ சாக்ஷுஷீம் ஸகருணாம் தி₃வ்யைஸ்₁சிரம் ப்ரார்தி₂தாம்
ஸ₁ம்போ₄ லோக-கு₃ரோ மதீ₃ய-மனஸ: ஸௌக்₂யோபதே₃ஸ₁ம் குரு ||29||

வஸ்த்ரோத்₃தூ₄த விதௌ₄ ஸஹஸ்ர-கரதா புஷ்பார்சனே விஷ்ணுதா
க₃ந்தே₄ க₃ந்த₄-வஹாத்மதாऽன்ன-பசனே ப₃ஹிர்முகா₂த்₄யக்ஷதா |
பாத்ரே காஞ்சன-க₃ர்ப₄தாஸ்தி மயி சேத்₃ பா₃லேந்து₃ சூடா₃-மணே
ஸு₁ஸ்₁ரூஷாம் கரவாணி தே பஸு₁-பதே ஸ்வாமின் த்ரி-லோகீ-கு₃ரோ ||30||

நாலம் வா பரமோபகாரகமித₃ம் த்வேகம் பஸூ₁னாம் பதே
பஸ்₁யன் குக்ஷி-க₃தான் சராசர-க₃ணான் பா₃ஹ்ய-ஸ்தி₂தான் ரக்ஷிதும் |
ஸர்வாமர்த்ய-பலாயனௌஷத₄ம் அதி-ஜ்வாலா-கரம் பீ₄-கரம்
நிக்ஷிப்தம் க₃ரலம் க₃லே ந க₃லிதம் நோத்₃கீ₃ர்ணமேவ-த்வயா ||31||

ஜ்வாலோக்₃ரஸ்ஸகலாமராதி-ப₄யத₃: க்ஷ்வேல: கத₂ம் வா த்வயா
த்₃ரு₂ஷ்ட: கிம் ச கரே த்₄ரு₂த: கர-தலே கிம் பக்வ ஜம்பூ₃-ப₂லம் |
ஜிஹ்வாயாம் நிஹிதஸ்₁ச ஸித்₃த₄-கு₄டிகா வா கண்ட₂-தே₃ஸே₁ ப்₄ரு₂த:
கிம் தே நீல-மணிர்விபூ₄ஷணமயம் ஸ₁ம்போ₄ மஹாத்மன் வத₃ ||32||

நாலம் வா ஸக்ரு₂தே₃வ தே₃வ ப₄வதஸ்ஸேவா நதிர்வா நுதி:
பூஜா வா ஸ்மரணம் கதா₂-ஸ்₁ரவணமப்யாலோகனம் மாத்₃ரு₂ஸா₁ம் |
ஸ்வாமின்னஸ்தி₂ர-தே₃வதானுஸரணாயாஸேன கிம் லப்₄யதே
கா வா முக்திரித: குதோ ப₄வதி சேத் கிம் ப்ரார்த₂னீயம் ததா₃ ||33||

கிம் ப்₃ரூமஸ்தவ ஸாஹஸம் பஸு₁-பதே கஸ்யாஸ்தி ஸ₁ம்போ₄
ப₄வத்₃தை₄ர்யம் சேத்₃ரு₂ஸ₁மாத்மன: ஸ்தி₂திரியம் சான்யை: கத₂ம் லப்₄யதே |
ப்₄ரஸ்₁யத்₃தே₃வ-க₃ணம் த்ரஸன்முனி-க₃ணம் நஸ்₁யத்ப்ரபஞ்சம் லயம்
பஸ்₁யன்-நிர்ப₄ய ஏக ஏவ விஹரத்யானந்த₃-ஸாந்த்₃ரோ ப₄வான் ||34||

யோக₃-க்ஷேம-து₄ரந்த₄ரஸ்ய ஸகல:ஸ்₁ரேய: ப்ரதோ₃த்₃யோகி₃னோ
த்₃ரு₂ஷ்டாத்₃ரு₂ஷ்ட-மதோபதே₃ஸ₁-க்ரு₂தினோ பா₃ஹ்யாந்தர-வ்யாபின: |
ஸர்வக்₃ஞஸ்ய த₃யா-கரஸ்ய ப₄வத: கிம் வேதி₃தவ்யம் மயா
ஸ₁ம்போ₄ த்வம் பரமாந்தரங்க₃ இதி மே சித்தே ஸ்மராம்யன்வஹம் ||35||

ப₄க்தோ ப₄க்தி-கு₃ணாவ்ரு₂தே முத₃ம்ரு₂தா-பூர்ணே ப்ரஸன்னே மன:
கும்பே₄ ஸாம்ப₃ தவாங்க்₄ரி-பல்லவ யுக₃ம் ஸம்ஸ்தா₂ப்ய ஸம்வித்ப₂லம் |
ஸத்த்வம் மந்த்ரமுதீ₃ரயன்-நிஜ ஸ₁ரீராகா₃ர ஸு₁த்₃தி₄ம் வஹன்
புண்யாஹம் ப்ரகடீ கரோமி ருசிரம் கல்யாணமாபாத₃யன் ||36||

ஆம்னாயாம்பு₃தி₄மாத₃ரேண ஸுமனஸ்ஸங்கா₄:-ஸமுத்₃யன்மனோ
மந்தா₂னம் த்₃ரு₂ட₄ ப₄க்தி-ரஜ்ஜு-ஸஹிதம் க்ரு₂த்வா மதி₂த்வா தத: |
ஸோமம் கல்ப-தரும் ஸுபர்வ-ஸுரபி₄ம் சிந்தா-மணிம் தீ₄மதாம்
நித்யானந்த₃-ஸுதா₄ம் நிரந்தர-ரமா-ஸௌபா₄க்₃யமாதன்வதே ||37||

ப்ராக்புண்யாசல-மார்க₃-த₃ர்ஸி₁த-ஸுதா₄-மூர்தி: ப்ரஸன்னஸ்₁ஸி₁வ:
ஸோமஸ்ஸத்₃-கு₃ண-ஸேவிதோ ம்ரு₂க₃-த₄ர: பூர்ணாஸ்தமோ மோசக: |
சேத: புஷ்கர லக்ஷிதோ ப₄வதி சேதா₃னந்த₃-பாதோ₂ நிதி₄:
ப்ராக₃ல்ப்₄யேன விஜ்ரு₂ம்ப₄தே ஸுமனஸாம் வ்ரு₂த்திஸ்ததா₃ ஜாயதே ||38||

த₄ர்மோ மே சதுரங்க்₄ரிக: ஸுசரித: பாபம் வினாஸ₁ம் க₃தம்
காம-க்ரோத₄-மதா₃த₃யோ விக₃லிதா: காலா: ஸுகா₂விஷ்க்ரு₂தா: |
ஞானானந்த₃-மஹௌஷதி₄: ஸுப₂லிதா கைவல்ய நாதே₂ ஸதா₃
மான்யே மானஸ-புண்ட₃ரீக-நக₃ரே ராஜாவதம்ஸே ஸ்தி₂தே ||39||

தீ₄-யந்த்ரேண வசோ-க₄டேன கவிதா-குல்யோபகுல்யாக்ரமை:-
ஆனீதைஸ்₁ச ஸதா₃ஸி₁வஸ்ய சரிதாம்போ₄ராஸி₁-தி₃வ்யாம்ரு₂தை: |
ஹ்ரு₂த்கேதா₃ர-யுதாஸ்₁ச ப₄க்தி-கலமா: ஸாப₂ல்யமாதன்வதே
து₃ர்பி₄க்ஷான்மம ஸேவகஸ்ய ப₄க₃வன் விஸ்₁வேஸ₁ பீ₄தி: குத: ||40||

பாபோத்பாத-விமோசனாய ருசிரைஸ்₁வர்யாய ம்ரு₂த்யும்-ஜய
ஸ்தோத்ர-த்₄யான-நதி-ப்ரதி₃க்ஷிண-ஸபர்யாலோகனாகர்ணனே |
ஜிஹ்வா-சித்த-ஸி₁ரோங்க்₄ரி-ஹஸ்த-நயன-ஸ்₁ரோத்ரைரஹம் ப்ரார்தி₂தோ
மாமாக்₃ஞாபய தன்னிரூபய முஹுர்மாமேவ மா மேऽவச: ||41||

கா₃ம்பீ₄ர்யம் பரிகா₂-பத₃ம் க₄ன-த்₄ரு₂தி: ப்ராகார உத்₃யத்₃கு₃ண
ஸ்தோமஸ்₁சாப்த ப₃லம் க₄னேந்த்₃ரிய-சயோ த்₃வாராணி தே₃ஹே ஸ்தி₂த: |
வித்₃யா-வஸ்து-ஸம்ரு₂த்₃தி₄ரித்யகி₂ல-ஸாமக்₃ரீ-ஸமேதே ஸதா₃
து₃ர்கா₃தி-ப்ரிய-தே₃வ மாமக-மனோ-து₃ர்கே₃ நிவாஸம் குரு ||42||

மா க₃ச்ச₂ த்வமிதஸ்ததோ கி₃ரிஸ₁ போ₄ மய்யேவ வாஸம் குரு
ஸ்வாமின்னாதி₃ கிராத மாமக-மன: காந்தார-ஸீமாந்தரே |
வர்தந்தே ப₃ஹுஸோ₁ ம்ரு₂கா₃ மத₃-ஜுஷோ மாத்ஸர்ய-மோஹாத₃ய:
தான் ஹத்வா ம்ரு₂க₃யா வினோத₃ ருசிதா-லாப₄ம் ச ஸம்ப்ராப்ஸ்யஸி ||43||

கர-லக்₃ன ம்ரு₂க₃: கரீந்த்₃ர-ப₄ங்கோ₃
க₄ன ஸா₁ர்தூ₃ல-விக₂ண்ட₃னோऽஸ்த-ஜந்து: |
கி₃ரிஸோ₁ விஸ₁தா₃க்ரு₂திஸ்₁ச சேத:
குஹரே பஞ்ச முகோ₂ஸ்தி மே குதோ பீ₄: ||44||

ச₂ந்த₃ஸ்₁ஸா₁கி₂ ஸி₁கா₂ன்விதை: த்₃விஜ-வரை: ஸம்ஸேவிதே ஸா₁ஸ்₁வதே
ஸௌக்₂யாபாதி₃னி கே₂த₃-பே₄தி₃னி ஸுதா₄-ஸாரை: ப₂லைர்தீ₃பிதே |
சேத: பக்ஷி ஸி₁கா₂-மணே த்யஜ வ்ரு₂தா₂ ஸஞ்சாரம் அன்யைரலம்
நித்யம் ஸ₁ங்கர-பாத₃-பத்₃ம-யுக₃லீ-நீடே₃ விஹாரம் குரு ||45||

ஆகீர்ணே நக₂-ராஜி-காந்தி-விப₄வைருத்₃யத்-ஸுதா₄-வைப₄வை:
ஆதௌ₄தேபி ச பத்₃ம-ராக₃-லலிதே ஹம்ஸ-வ்ரஜைராஸ்₁ரிதே |
நித்யம் ப₄க்தி-வதூ₄ க₃ணைஸ்₁ச ரஹஸி ஸ்வேச்சா₂-விஹாரம் குரு
ஸ்தி₂த்வா மானஸ-ராஜ-ஹம்ஸ கி₃ரிஜா நாதா₂ங்க்₄ரி-ஸௌதா₄ந்தரே ||46||

ஸ₁ம்பு₄-த்₄யான-வஸந்த-ஸங்கி₃னி ஹ்ரு₂தா₃ராமே-அக₄-ஜீர்ணச்ச₂தா₃:
ஸ்ரஸ்தா ப₄க்தி லதாச்ச₂டா விலஸிதா: புண்ய-ப்ரவால-ஸ்₁ரிதா: |
தீ₃ப்யந்தே கு₃ண-கோரகா ஜப-வச: புஷ்பாணி ஸத்₃வாஸனா
ஞானானந்த₃-ஸுதா₄-மரந்த₃-லஹரீ ஸம்வித்ப₂லாப்₄யுன்னதி: ||47||

நித்யானந்த₃-ரஸாலயம் ஸுர-முனி-ஸ்வாந்தாம்பு₃ஜாதாஸ்₁ரயம்
ஸ்வச்ச₂ம் ஸத்₃த்₃விஜ-ஸேவிதம் கலுஷ-ஹ்ரு₂த் ஸத்₃வாஸனாவிஷ்க்ரு₂தம் |
ஸ₁ம்பு₄-த்₄யான-ஸரோவரம் வ்ரஜ மனோ-ஹம்ஸாவதம்ஸ ஸ்தி₂ரம்
கிம் க்ஷுத்₃ராஸ்₁ரய-பல்வல-ப்₄ரமண-ஸஞ்ஜாத-ஸ்₁ரமம் ப்ராப்ஸ்யஸி ||48||

ஆனந்தா₃ம்ரு₂த-பூரிதா ஹர-பதா₃ம்போ₄ஜாலவாலோத்₃யதா
ஸ்தை₂ர்யோபக்₄னமுபேத்ய ப₄க்தி லதிகா ஸா₁கோ₂பஸா₁கா₂ன்விதா |
உச்சை₂ர்மானஸ காயமான-படலீமாக்ரம்ய நிஷ்கல்மஷா
நித்யாபீ₄ஷ்ட ப₂ல-ப்ரதா₃ ப₄வது மே ஸத்கர்ம ஸம்வர்தி₄தா ||49||

ஸந்த்₄யாரம்ப₄-விஜ்ரு₂ம்பி₄தம் ஸ்₁ருதி-ஸி₁ர ஸ்தா₂னாந்தராதி₄ஷ்டி₂தம்
ஸப்ரேம ப்₄ரமராபி₄ராமமஸக்ரு₂த் ஸத்₃வாஸனா ஸோ₁பி₄தம் |
போ₄கீ₃ந்த்₃ராப₄ரணம் ஸமஸ்த ஸுமன:பூஜ்யம் கு₃ணாவிஷ்க்ரு₂தம்
ஸேவே ஸ்ரீகி₃ரி மல்லிகார்ஜுன மஹா-லிங்க₃ம் ஸி₁வாலிங்கி₃தம் ||50||

ப்₄ரு₂ங்கீ₃ச்சா₂-நடனோத்கட: கரி-மத₃-க்₃ராஹீ ஸ்பு₂ரன்-
மாத₄வாஹ்லாதோ₃ நாத₃-யுதோ மஹாஸித-வபு: பஞ்சேஷுணா சாத்₃ரு₂த: |
ஸத்பக்ஷஸ்ஸுமனோ-வனேஷு ஸ புன: ஸாக்ஷான்மதீ₃யே மனோ
ராஜீவே ப்₄ரமராதி₄போ விஹரதாம் ஸ்ரீஸை₁ல-வாஸீ விபு₄: ||51||

காருண்யாம்ரு₂த-வர்ஷிணம் க₄ன-விபத்₃-க்₃ரீஷ்மச்சி₂தா₃-கர்மட₂ம்
வித்₃யா-ஸஸ்ய-ப₂லோத₃யாய ஸுமனஸ்ஸம்ஸேவ்யம் இச்சா₂க்ரு₂திம் |
ந்ரு₂த்யத்₃ப₄க்த-மயூரம் அத்₃ரி-நிலயம் சஞ்சஜ்ஜடா மண்ட₃லம்
ஸ₁ம்போ₄ வாஞ்ச₂தி நீல-கந்த₄ர ஸதா₃ த்வாம் மே மனஸ்₁சாதக: ||52||

ஆகாஸே₁ன ஸி₁கீ₂ ஸமஸ்த ப₂ணினாம் நேத்ரா கலாபீ
நதாऽனுக்₃ராஹி ப்ரணவோபதே₃ஸ₁ நினதை₃: கேகீதி யோ கீ₃யதே
ஸ்₁யாமாம் ஸை₁ல ஸமுத்₃ப₄வாம் க₄ன-ருசிம் த்₃ரு₂ஷ்ட்வா நடந்தம் முதா₃
வேதா₃ந்தோபவனே விஹார-ரஸிகம் தம் நீல-கண்ட₂ம் ப₄ஜே ||53||

ஸந்த்₄யா க₄ர்ம-தி₃னாத்யயோ ஹரி-கராகா₄த-ப்ரபூ₄தானக-
த்₄வானோ வாரித₃ க₃ர்ஜிதம் தி₃விஷதா₃ம் த்₃ரு₂ஷ்டிச்ச₂டா சஞ்சலா |
ப₄க்தானாம் பரிதோஷ பா₃ஷ்ப விததிர்வ்ரு₂ஷ்டிர்மயூரீ ஸி₁வா
யஸ்மின்னுஜ்ஜ்வல தாண்ட₃வம் விஜயதே தம் நீல-கண்ட₂ம் ப₄ஜே ||54||

ஆத்₃யாயாமித தேஜஸே ஸ்₁ருதி பதை₃ர்வேத்₃யாய ஸாத்₄யாய தே
வித்₃யானந்த₃-மயாத்மனே த்ரி-ஜக₃தஸ்ஸம்ரக்ஷணோத்₃யோகி₃னே |
த்₄யேயாயாகி₂ல யோகி₃பி₄ஸ்ஸுர-க₃ணைர்கே₃யாய மாயாவினே
ஸம்யக் தாண்ட₃வ ஸம்ப்₄ரமாய ஜடினே ஸேயம் நதிஸ்₁ஸ₁ம்ப₄வே ||55||

நித்யாய த்ரிகு₃ணாத்மனே புர-ஜிதே காத்யாயனீ ஸ்₁ரேயஸே
ஸத்யாயாதி₃ குடும்பி₃னே முனி-மன: ப்ரத்யக்ஷ சின்மூர்தயே |
மாயா ஸ்ரு₂ஷ்ட ஜக₃த்த்ரயாய ஸகலாம்னாயாந்த ஸஞ்சாரிணே
ஸாயம் தாண்ட₃வ ஸம்ப்₄ரமாய ஜடினே ஸேயம் நதிஸ்₁ஸ₁ம்ப₄வே ||56||

நித்யம் ஸ்வோத₃ர போஷணாய ஸகலானுத்₃தி₃ஸ்₁ய வித்தாஸ₁யா
வ்யர்த₂ம் பர்யடனம் கரோமி ப₄வதஸ்ஸேவாம் ந ஜானே விபோ₄ |
மஜ்ஜன்மாந்தர புண்ய-பாக ப₃லதஸ்த்வம் ஸ₁ர்வ ஸர்வாந்தர:-
திஷ்ட₂ஸ்யேவ ஹி தேன வா பஸு₁-பதே தே ரக்ஷணீயோऽஸ்ம்யஹம் ||57||

ஏகோ வாரிஜ பா₃ந்த₄வ: க்ஷிதி-நபோ₄ வ்யாப்தம் தமோ-மண்ட₃லம்
பி₄த்வா லோசன-கோ₃சரோபி ப₄வதி த்வம் கோடி-ஸூர்ய ப்ரப₄: |
வேத்₃ய: கிம் ந ப₄வஸ்யஹோ க₄ன-தரம் கீத்₃ரு₂ங்-ப₄வேன்-மத்தமஸ்-
தத்ஸர்வம் வ்யபனீய மே பஸு₁-பதே ஸாக்ஷாத் ப்ரஸன்னோ ப₄வ ||58||

ஹம்ஸ: பத்₃ம-வனம் ஸமிச்ச₂தி யதா₂ நீலாம்பு₃த₃ம் சாதக:
கோக: கோக-நத₃ ப்ரியம் ப்ரதி-தி₃னம் சந்த்₃ரம் சகோரஸ்ததா₂ |
சேதோ வாஞ்ச₂தி மாமகம் பஸு₁-பதே சின்மார்க₃ ம்ரு₂க்₃யம் விபோ₄
கௌ₃ரீ நாத₂ ப₄வத்பதா₃ப்₃ஜ-யுக₃லம் கைவல்ய ஸௌக்₂ய-ப்ரத₃ம் ||59||

ரோத₄ஸ்தோயஹ்ரு₂த: ஸ்₁ரமேண பதி₂கஸ்₁சா₂யாம் தரோர்வ்ரு₂ஷ்டித:
பீ₄த: ஸ்வஸ்த₂ க்₃ரு₂ஹம் க்₃ரு₂ஹஸ்த₂ம் அதிதி₂ர்தீ₃ன: ப்ரப₄ம் தா₄ர்மிகம் |
தீ₃பம் ஸந்தமஸாகுலஸ்₁ச ஸி₁கி₂னம் ஸீ₁தாவ்ரு₂தஸ்த்வம் ததா₂
சேதஸ்ஸர்வ ப₄யாபஹம் வ்ரஜ ஸுக₂ம் ஸ₁ம்போ₄: பதா₃ம்போ₄ருஹம் ||60||

அங்கோலம் நிஜ பீ₃ஜ ஸந்ததிரயஸ்காந்தோபலம் ஸூசிகா
ஸாத்₄வீ நைஜ விபு₄ம் லதா க்ஷிதி-ருஹம் ஸிந்து₄ஸ்ஸரித்₃ வல்லப₄ம் |
ப்ராப்னோதீஹ யதா₂ ததா₂ பஸு₁-பதே: பாதா₃ரவிந்த₃-த்₃வயம்
சேதோ-வ்ரு₂த்திருபேத்ய திஷ்ட₂தி ஸதா₃ ஸா ப₄க்திரித்யுச்யதே ||61||

ஆனந்தா₃ஸ்₁ருபி₄ராதனோதி புலகம் நைர்மல்யதஸ்₁சா₂த₃னம்
வாசா ஸ₁ங்க₂ முகே₂ ஸ்தி₂தைஸ்₁ச ஜட₂ரா-பூர்திம் சரித்ராம்ரு₂தை: |
ருத்₃ராக்ஷைர்ப₄ஸிதேன தே₃வ வபுஷோ ரக்ஷாம் ப₄வத்₃பா₄வனா-
பர்யங்கே வினிவேஸ்₁ய ப₄க்தி ஜனனீ ப₄க்தார்ப₄கம் ரக்ஷதி ||62||

மார்கா₃வர்தித பாது₃கா பஸு₁-பதேரங்க₃ஸ்ய கூர்சாயதே
க₃ண்டூ₃ஷாம்பு₃ நிஷேசனம் புர-ரிபோர்தி₃வ்யாபி₄ஷேகாயதே
கிஞ்சித்₃ப₄க்ஷித மாம்ஸ-ஸே₁ஷ-கப₃லம் நவ்யோபஹாராயதே
ப₄க்தி: கிம் ந கரோத்யஹோ வன-சரோ ப₄க்தாவதம்ஸாயதே ||63||

வக்ஷஸ்தாட₃னமந்தகஸ்ய கடி₂னாபஸ்மார ஸம்மர்த₃னம்
பூ₄ப்₄ரு₂த் பர்யடனம் நமத்ஸுர-ஸி₁ர: கோடீர ஸங்க₄ர்ஷணம் |
கர்மேத₃ம் ம்ரு₂து₃லஸ்ய தாவக-பத₃ த்₃வந்த்₃வஸ்ய கௌ₃ரீ-பதே
மச்சேதோ மணி-பாது₃கா விஹரணம் ஸ₁ம்போ₄ ஸதா₃ங்கீ₃-குரு ||64||

வக்ஷஸ்தாட₃ன ஸ₁ங்கயா விசலிதோ வைவஸ்வதோ நிர்ஜரா:
கோடீரோஜ்ஜ்வல ரத்ன-தீ₃ப-கலிகா நீராஜனம் குர்வதே |
த்₃ரு₂ஷ்ட்வா முக்தி-வதூ₄ஸ்தனோதி நிப்₄ரு₂தாஸ்₁லேஷம் ப₄வானீ-பதே
யச்சேதஸ்தவ பாத₃-பத்₃ம-ப₄ஜனம் தஸ்யேஹ கிம் து₃ர்லப₄ம் ||65||

க்ரீடா₃ர்த₂ம் ஸ்ரு₂ஜஸி ப்ரபஞ்சமகி₂லம் க்ரீடா₃-ம்ரு₂கா₃ஸ்தே ஜனா:
யத்கர்மாசரிதம் மயா ச ப₄வத: ப்ரீத்யை ப₄வத்யேவ தத் |
ஸ₁ம்போ₄ ஸ்வஸ்ய குதூஹலஸ்ய கரணம் மச்சேஷ்டிதம் நிஸ்₁சிதம்
தஸ்மான்மாமக ரக்ஷணம் பஸு₁-பதே கர்தவ்யமேவ த்வயா ||66||

ப₃ஹு-வித₄ பரிதோஷ பா₃ஷ்ப-பூர
ஸ்பு₂ட புலகாங்கித சாரு-போ₄க₃ பூ₄மிம் |
சிர-பத₃ ப₂ல-காங்க்ஷி ஸேவ்யமானாம்
பரம ஸதா₃ஸி₁வ பா₄வனாம் ப்ரபத்₃யே ||67||

அமித முத₃ம்ரு₂தம் முஹுர்து₃ஹந்தீம்
விமல ப₄வத்பத₃-கோ₃ஷ்ட₂மாவஸந்தீம் |
ஸத₃ய பஸு₁-பதே ஸுபுண்ய பாகாம்
மம பரிபாலய ப₄க்தி தே₄னுமேகாம் ||68||

ஜட₃தா பஸு₁தா கலங்கிதா
குடில சரத்வம் ச நாஸ்தி மயி தே₃வ |
அஸ்தி யதி₃ ராஜ-மௌலே
ப₄வதா₃ப₄ரணஸ்ய நாஸ்மி கிம் பாத்ரம் ||69||

அரஹஸி ரஹஸி ஸ்வதந்த்ர பு₃த்₃த்₄யா
வரி-வஸிதும் ஸுலப₄: ப்ரஸன்ன மூர்தி: |
அக₃ணித ப₂ல-தா₃யக: ப்ரபு₄ர்மே
ஜக₃த₃தி₄கோ ஹ்ரு₂தி₃ ராஜ ஸே₁க₂ரோஸ்தி ||70||

ஆரூட₄ ப₄க்தி-கு₃ண குஞ்சித பா₄வ சாப
யுக்தைஸ்₁ஸி₁வ ஸ்மரண பா₃ண-க₃ணைரமோகை₄: |
நிர்ஜித்ய கில்பி₃ஷ-ரிபூன் விஜயீ
ஸுதீ₄ந்த்₃ரஸ்ஸானந்த₃மாவஹதி ஸுஸ்தி₂ர ராஜ-லக்ஷ்மீம் ||71||

த்₄யானாஞ்ஜனேன ஸமவேக்ஷ்ய தம:ப்ரதே₃ஸ₁ம்
பி₄த்வா மஹா-ப₃லிபி₄ரீஸ்₁வர-நாம மந்த்ரை: |
தி₃வ்யாஸ்₁ரிதம் பு₄ஜக₃-பூ₄ஷணமுத்₃வஹந்தி
யே பாத₃ பத்₃மமிஹ தே ஸி₁வ தே க்ரு₂தார்தா₂: ||72||

பூ₄-தா₃ரதாமுத₃வஹத்₃ யத₃பேக்ஷயா ஸ்ரீ-
பூ₄-தா₃ர ஏவ கிமதஸ்ஸுமதே லப₄ஸ்வ |
கேதா₃ரமாகலித முக்தி மஹௌஷதீ₄னாம்
பாதா₃ரவிந்த₃ ப₄ஜனம் பரமேஸ்₁வரஸ்ய ||73||

ஆஸா₁-பாஸ₁-க்லேஸ₁-து₃ர்வாஸனாதி₃-
பே₄தோ₃த்₃யுக்தை: தி₃வ்ய-க₃ந்தை₄ரமந்தை₃: |
ஆஸா₁-ஸா₁டீகஸ்ய பாதா₃ரவிந்த₃ம்
சேத:பேடீம் வாஸிதாம் மே தனோது ||74||

கல்யாணினம் ஸரஸ-சித்ர-க₃திம் ஸவேக₃ம்
ஸர்வேங்கி₃தக்₃ஞமனக₄ம் த்₄ருவ லக்ஷணாட்₄யம் |
சேதஸ்துரங்க₃ம் அதி₄ருஹ்ய சர ஸ்மராரே
நேதஸ்ஸமஸ்த ஜக₃தாம் வ்ரு₂ஷபா₄தி₄ரூட₄ ||75||

ப₄க்திர்மஹேஸ₁ பத₃-புஷ்கரமாவஸந்தீ
காத₃ம்பி₃னீவ குருதே பரிதோஷ-வர்ஷம் |
ஸம்பூரிதோ ப₄வதி யஸ்ய மனஸ்தடாக:-
தஜ்ஜன்ம-ஸஸ்யமகி₂லம் ஸப₂லம் ச நான்யத் ||76||

பு₃த்₃தி₄:ஸ்தி₂ரா ப₄விதுமீஸ்₁வர பாத₃-பத்₃ம
ஸக்தா வதூ₄ர்விரஹிணீவ ஸதா₃ ஸ்மரந்தீ |
ஸத்₃பா₄வனா ஸ்மரண-த₃ர்ஸ₁ன-கீர்தனாதி₃
ஸம்மோஹிதேவ ஸி₁வ-மந்த்ர ஜபேன விந்தே ||77||

ஸது₃பசார விதி₄ஷ்வனுபோ₃தி₄தாம்
ஸவினயாம் ஸுஹ்ரு₂த₃ம் ஸது₃பாஸ்₁ரிதாம் |
மம ஸமுத்₃த₄ர பு₃த்₃தி₄மிமாம் ப்ரபோ₄
வர-கு₃ணேன நவோட₄ வதூ₄மிவ ||78||

நித்யம் யோகி₃ மனஸ்ஸரோஜ-த₃ல ஸஞ்சார க்ஷமஸ்த்வத்
க்ரமஸ்₁ஸ₁ம்போ₄ தேன கத₂ம் கடோ₂ர யமராட்₃ வக்ஷ:கவாட-க்ஷதி: |
அத்யந்தம் ம்ரு₂து₃லம் த்வத₃ங்க்₄ரி யுக₃லம் ஹா மே மனஸ்₁சிந்தயதி-
ஏதல்லோசன கோ₃சரம் குரு விபோ₄ ஹஸ்தேன ஸம்வாஹயே ||79||

ஏஷ்யத்யேஷ ஜனிம் மனோऽஸ்ய கடி₂னம் தஸ்மின்-நடானீதி
மத்₃ரக்ஷாயை கி₃ரி ஸீம்னி கோமல-பத₃ன்யாஸ: புராப்₄யாஸித: |
நோசேத்₃ தி₃வ்ய க்₃ரு₂ஹாந்தரேஷு ஸுமனஸ்தல்பேஷு வேத்₃யாதி₃ஷு
ப்ராயஸ்ஸத்ஸு ஸி₁லா-தலேஷு நடனம் ஸ₁ம்போ₄ கிமர்த₂ம் தவ ||80||

கஞ்சித்காலமுமா-மஹேஸ₁ ப₄வத: பாதா₃ரவிந்தா₃ர்சனை:
கஞ்சித்₃த்₄யான ஸமாதி₄பி₄ஸ்₁ச நதிபி₄: கஞ்சித் கதா₂கர்ணனை: |
கஞ்சித் கஞ்சித₃வேக்ஷணைஸ்₁ச நுதிபி₄: கஞ்சித்₃த₃ஸா₁மீத்₃ரு₂ஸீ₁ம்
ய:ப்ராப்னோதி முதா₃ த்வத₃ர்பித மனா ஜீவன் ஸ முக்த:க₂லு ||81||

பா₃ணத்வம் வ்ரு₂ஷப₄த்வம் அர்த₄-வபுஷா பா₄ர்யாத்வம் ஆர்யா-பதே
கோ₄ணித்வம் ஸகி₂தா ம்ரு₂த₃ங்க₃ வஹதா சேத்யாதி₃ ரூபம் த₃தௌ₄ |
த்வத்பாதே₃ நயனார்பணம் ச க்ரு₂தவான் த்வத்₃தே₃ஹ பா₄கோ₃ ஹரி:
பூஜ்யாத்பூஜ்ய-தரஸ்ஸ ஏவ ஹி ந சேத் கோ வா தத₃ன்யோऽதி₄க: ||82||

ஜனன-ம்ரு₂தி-யுதானாம் ஸேவயா தே₃வதானாம்
ந ப₄வதி ஸுக₂ லேஸ₁ஸ்ஸம்ஸ₁யோ நாஸ்தி தத்ர |
அஜனிமம்ரு₂த ரூபம் ஸாம்ப₃மீஸ₁ம் ப₄ஜந்தே
ய இஹ பரம ஸௌக்₂யம் தே ஹி த₄ன்யா லப₄ந்தே ||83||

ஸி₁வ தவ பரிசர்யா ஸன்னிதா₄னாய கௌ₃ர்யா
ப₄வ மம கு₃ண-து₄ர்யாம் பு₃த்₃தி₄-கன்யாம் ப்ரதா₃ஸ்யே |
ஸகல பு₄வன ப₃ந்தோ₄ ஸச்சிதா₃னந்த₃ ஸிந்தோ₄
ஸத₃ய ஹ்ரு₂த₃ய-கே₃ஹே ஸர்வதா₃ ஸம்வஸ த்வம் ||84||

ஜலதி₄ மத₂ன த₃க்ஷோ நைவ பாதால பே₄தீ₃
ந ச வன ம்ரு₂க₃யாயாம் நைவ லுப்₃த₄: ப்ரவீண: |
அஸ₁ன குஸும பூ₄ஷா வஸ்த்ர முக்₂யாம் ஸபர்யாம்
கத₂ய கத₂மஹம் தே கல்பயானீந்து₃-மௌலே ||85||

பூஜா-த்₃ரவ்ய ஸம்ரு₂த்₃த₄யோ விரசிதா: பூஜாம் கத₂ம் குர்மஹே
பக்ஷித்வம் ந ச வா கீடித்வமபி ந ப்ராப்தம் மயா து₃ர்லப₄ம் |
ஜானே மஸ்தகமங்க்₄ரி-பல்லவமுமா ஜானே ந தேऽஹம் விபோ₄
ந ஞாதம் ஹி பிதாமஹேன ஹரிணா தத்த்வேன தத்₃ரூபிணா ||86||

அஸ₁னம் க₃ரலம் ப₂ணீ கலாபோ
வஸனம் சர்ம ச வாஹனம் மஹோக்ஷ: |
மம தா₃ஸ்யஸி கிம் கிமஸ்தி ஸ₁ம்போ₄
தவ பாதா₃ம்பு₃ஜ ப₄க்திமேவ தே₃ஹி ||87||

யதா₃ க்ரு₂தாம்போ₄-நிதி₄ ஸேது-ப₃ந்த₄ன:
கரஸ்த₂ லாத₄: க்ரு₂த பர்வதாதி₄ப: |
ப₄வானி தே லங்கி₄த பத்₃ம-ஸம்ப₄வ:
ததா₃ ஸி₁வார்சாஸ்தவ பா₄வன-க்ஷம: ||88||

நதிபி₄ர்நுதிபி₄ஸ்த்வமீஸ₁ பூஜா
விதி₄பி₄ர்த்₄யான-ஸமாதி₄பி₄ர்ந துஷ்ட: |
த₄னுஷா முஸலேன சாஸ்₁மபி₄ர்வா
வத₃ தே ப்ரீதி-கரம் ததா₂ கரோமி ||89||

வசஸா சரிதம் வதா₃மி
ஸ₁ம்போ₄ரஹம் உத்₃யோக₃ விதா₄ஸு தேऽப்ரஸக்த: |
மனஸாக்ரு₂திமீஸ்₁வரஸ்ய ஸேவே
ஸி₁ரஸா சைவ ஸதா₃ஸி₁வம் நமாமி ||90||

ஆத்₃யாऽவித்₃யா ஹ்ரு₂த்₃க₃தா நிர்க₃தாஸீத்-
வித்₃யா ஹ்ரு₂த்₃யா ஹ்ரு₂த்₃க₃தா த்வத்ப்ரஸாதா₃த் |
ஸேவே நித்யம் ஸ்ரீ-கரம் த்வத்பதா₃ப்₃ஜம்
பா₄வே முக்தேர்பா₄ஜனம் ராஜ-மௌலே ||91||

தூ₃ரீக்ரு₂தானி து₃ரிதானி து₃ரக்ஷராணி
தௌ₃ர்பா₄க்₃ய து₃:க₂ து₃ரஹங்க்ரு₂தி து₃ர்வசாம்ஸி |
ஸாரம் த்வதீ₃ய சரிதம் நிதராம் பிப₃ந்தம்
கௌ₃ரீஸ₁ மாமிஹ ஸமுத்₃த₄ர ஸத்கடாக்ஷை: ||92||

ஸோம கலா-த₄ர-மௌலௌ
கோமல க₄ன-கந்த₄ரே மஹா-மஹஸி |
ஸ்வாமினி கி₃ரிஜா நாதே₂
மாமக ஹ்ரு₂த₃யம் நிரந்தரம் ரமதாம் ||93||

ஸா ரஸனா தே நயனே
தாவேவ கரௌ ஸ ஏவ க்ரு₂தக்ரு₂த்ய: |
யா யே யௌ யோ ப₄ர்க₃ம்
வத₃தீக்ஷேதே ஸதா₃ர்சத: ஸ்மரதி ||94||

அதி ம்ரு₂து₃லௌ மம
சரணாவதி கடி₂னம் தே மனோ ப₄வானீஸ₁ |
இதி விசிகித்ஸாம் ஸந்த்யஜ
ஸி₁வ கத₂மாஸீத்₃கி₃ரௌ ததா₂ ப்ரவேஸ₁: ||95||

தை₄யாங்குஸே₁ன நிப்₄ரு₂தம்
ரப₄ஸாதா₃க்ரு₂ஷ்ய ப₄க்தி-ஸ்₁ரு₂ங்க₂லயா |
புர-ஹர சரணாலானே
ஹ்ரு₂த₃ய மதே₃ப₄ம் ப₃தா₄ன சித்₃யந்த்ரை: ||96||

ப்ரசரத்யபி₄த: ப்ரக₃ல்ப₄-வ்ரு₂த்த்யா
மத₃வானேஷ மன:-கரீ க₃ரீயான் |
பரிக்₃ரு₂ஹ்ய நயேன ப₄க்தி-ரஜ்ஜ்வா
பரம ஸ்தா₂ணு-பத₃ம் த்₃ரு₂ட₄ம் நயாமும் ||97||

ஸர்வாலங்கார-யுக்தாம் ஸரல-பத₃-யுதாம் ஸாது₄-வ்ரு₂த்தாம் ஸுவர்ணாம்
ஸத்₃பி₄ஸ்ஸம்ஸ்தூயமானாம் ஸரஸ கு₃ண-யுதாம் லக்ஷிதாம் லக்ஷணாட்₄யாம் |
உத்₃யத்₃பூ₄ஷா-விஸே₁ஷாம் உபக₃த-வினயாம் த்₃யோதமானார்த₂-ரேகா₂ம்
கல்யாணீம் தே₃வ கௌ₃ரீ-ப்ரிய மம கவிதா-கன்யகாம் த்வம் க்₃ரு₂ஹாண ||98||

இத₃ம் தே யுக்தம் வா பரம-ஸி₁வ காருண்ய ஜலதே₄
க₃தௌ திர்யக்₃ரூபம் தவ பத₃-ஸி₁ரோ-த₃ர்ஸ₁ன-தி₄யா |
ஹரி-ப்₃ரஹ்மாணௌ தௌ தி₃வி பு₄வி சரந்தௌ ஸ்₁ரம-யுதௌ
கத₂ம் ஸ₁ம்போ₄ ஸ்வாமின் கத₂ய மம வேத்₃யோஸி புரத: ||99||

ஸ்தோத்ரேணாலம் அஹம் ப்ரவச்மி ந ம்ரு₂ஷா தே₃வா விரிஞ்சாத₃ய:
ஸ்துத்யானாம் க₃ணனா-ப்ரஸங்க₃-ஸமயே த்வாமக்₃ரக₃ண்யம் விது₃: |
மாஹாத்ம்யாக்₃ர-விசாரண-ப்ரகரணே தா₄னா-துஷஸ்தோமவத்
தூ₄தாஸ்த்வாம் விது₃ருத்தமோத்தம ப₂லம் ஸ₁ம்போ₄ ப₄வத்ஸேவகா: ||100||

இதி ஸ்ரீமத்பரம-ஹம்ஸ பரிவ்ராஜகாசார்ய-
ஸ்ரீமத் ஸ₁ங்கராசார்ய விரசிதா ஸி₁வானந்த₃ லஹரீ ஸமாப்தா ||

Sivananda Lahari - Text only - Kannada Version

On the occasion of Maha Sivarathri, I attach herewith 'Sivananda Lahari' (Text only) by Adi Sankaracharya. The meanings for this wonderful Bhakti treatise may be obtained from http://www.kanchiforum.org/forum/viewtopic.php?t=1863 and also from the book published by RK Mission, Mylapore (Translation by Swami Tapasyananda)
This has been rendered in full by M. Balamurali Krishna.

ಶ್ರೀಃ
ಶಿವಾಭ್ಯಾಂ ನಮಃ
ಶಿವಾನಂದ-ಲಹರೀ

ಕಲಾಭ್ಯಾಂ ಚೂಡಾಲಂಕೃತ-ಶಶಿ ಕಲಾಭ್ಯಾಂ ನಿಜ ತಪಃ-
ಫಲಾಭ್ಯಾಂ ಭಕ್ತೇಷು ಪ್ರಕಟಿತ-ಫಲಾಭ್ಯಾಂ ಭವತು ಮೇ
ಶಿವಾಭ್ಯಾಮಸ್ತೋಕ-ತ್ರಿಭುವನ-ಶಿವಾಭ್ಯಾಂ ಹೃದಿ
ಪುನರ್ಭವಾಭ್ಯಾಮಾನಂದ-ಸ್ಫುರದನುಭವಾಭ್ಯಾಂ ನತಿರಿಯಮ್ 1

ಗಲಂತೀ ಶಂಭೋ ತ್ವಚ್ಚರಿತ-ಸರಿತಃ ಕಿಲ್ಬಿಷರಜೋ
ದಲಂತೀ ಧೀಕುಲ್ಯಾ-ಸರಣಿಷು ಪತಂತೀ ವಿಜಯತಾಮ್
ದಿಶಂತೀ ಸಂಸಾರ-ಭ್ರಮಣ-ಪರಿತಾಪೋಪಶಮನಂ
ವಸಂತೀ ಮಚ್ಚೇತೋ-ಹೃದಭುವಿ ಶಿವಾನಂದ-ಲಹರೀ 2

ತ್ರಯೀ-ವೇದ್ಯಂ ಹೃದ್ಯಂ ತ್ರಿ-ಪುರ-ಹರಮಾದ್ಯಂ ತ್ರಿ-ನಯನಂ
ಜಟಾ-ಭಾರೋದಾರಂ ಚಲದುರಗ-ಹಾರಂ ಮೃಗ ಧರಮ್
ಮಹಾ-ದೇವಂ ದೇವಂ ಮಯಿ ಸದಯ-ಭಾವಂ ಪಶುಪತಿಂ
ಚಿದಾಲಂಬಂ ಸಾಂಬಂ ಶಿವಮತಿ-ವಿಡಂಬಂ ಹೃದಿ ಭಜೇ 3

ಸಹಸ್ರಂ ವರ್ತಂತೇ ಜಗತಿ ವಿಬುಧಾಃ ಕ್ಷುದ್ರ-ಫಲದಾ
ನ ಮನ್ಯೇ ಸ್ವಪ್ನೇ ವಾ ತದನುಸರಣಂ ತತ್ಕೃತ-ಫಲಮ್
ಹರಿ-ಬ್ರಹ್ಮಾದೀನಾಮಪಿ ನಿಕಟ-ಭಾಜಾಂ-ಅಸುಲಭಂ
ಚಿರಂ ಯಾಚೇ ಶಂಭೋ ಶಿವ ತವ ಪದಾಂಭೋಜ-ಭಜನಮ್ 4

ಸ್ಮೃತೌ ಶಾಸ್ತ್ರೇ ವೈದ್ಯೇ ಶಕುನ-ಕವಿತಾ-ಗಾನ-ಫಣಿತೌ
ಪುರಾಣೇ ಮಂತ್ರೇ ವಾ ಸ್ತುತಿ-ನಟನ-ಹಾಸ್ಯೇಷ್ವಚತುರಃ
ಕಥಂ ರಾಜ್ಞಾಂ ಪ್ರೀತಿರ್ಭವತಿ ಮಯಿ ಕೋऽಹಂ ಪಶುಪತೇ
ಪಶುಂ ಮಾಂ ಸರ್ವಜ್ಞ ಪ್ರಥಿತ-ಕೃಪಯಾ ಪಾಲಯ ವಿಭೋ 5

ಘಟೋ ವಾ ಮೃತ್ಪಿಂಡೋऽಪ್ಯಣುರಪಿ ಚ ಧೂಮೋऽಗ್ನಿರಚಲಃ
ಪಟೋ ವಾ ತಂತುರ್ವಾ ಪರಿಹರತಿ ಕಿಂ ಘೋರ-ಶಮನಮ್
ವೃಥಾ ಕಂಠ-ಕ್ಷೋಭಂ ವಹಸಿ ತರಸಾ ತರ್ಕ-ವಚಸಾ
ಪದಾಂಭೋಜಂ ಶಂಭೋರ್ಭಜ ಪರಮ-ಸೌಖ್ಯಂ ವ್ರಜ ಸುಧೀಃ 6

ಮನಸ್ತೇ ಪಾದಾಬ್ಜೇ ನಿವಸತು ವಚಃ ಸ್ತೋತ್ರ-ಫಣಿತೌ
ಕರೌ ಚಾಭ್ಯರ್ಚಾಯಾಂ ಶ್ರುತಿರಪಿ ಕಥಾಕರ್ಣನ-ವಿಧೌ
ತವ ಧ್ಯಾನೇ ಬುದ್ಧಿರ್ನಯನ-ಯುಗಲಂ ಮೂರ್ತಿ-ವಿಭವೇ
ಪರ-ಗ್ರಂಥಾನ್ ಕೈರ್ವಾ ಪರಮಶಿವ ಜಾನೇ ಪರಮತಃ 7

ಯಥಾ ಬುದ್ಧಿಶ್ಶುಕ್ತೌ ರಜತಮಿತಿ ಕಾಚಾಶ್ಮನಿ ಮಣಿಃ
ಜಲೇ ಪೈಷ್ಟೇ ಕ್ಷೀರಂ ಭವತಿ ಮೃಗ-ತೃಷ್ಣಾಸು ಸಲಿಲಮ್
ತಥಾ ದೇವ-ಭ್ರಾಂತ್ಯಾ ಭಜತಿ ಭವದನ್ಯಂ ಜಡ ಜನೋ
ಮಹಾ-ದೇವೇಶಂ ತ್ವಾಂ ಮನಸಿ ಚ ನ ಮತ್ವಾ ಪಶುಪತೇ 8

ಗಭೀರೇ ಕಾಸಾರೇ ವಿಶತಿ ವಿಜನೇ ಘೋರ-ವಿಪಿನೇ
ವಿಶಾಲೇ ಶೈಲೇ ಚ ಭ್ರಮತಿ ಕುಸುಮಾರ್ಥಂ ಜಡ-ಮತಿಃ
ಸಮರ್ಪ್ಯೈಕಂ ಚೇತಸ್ಸರಸಿಜಂ ಉಮಾ-ನಾಥ ಭವತೇ
ಸುಖೇನಾವಸ್ಥಾತುಂ ಜನ ಇಹ ನ ಜಾನಾತಿ ಕಿಮಹೋ 9

ನರತ್ವಂ ದೇವತ್ವಂ ನಗ-ವನ-ಮೃಗತ್ವಂ ಮಶಕತಾ
ಪಶುತ್ವಂ ಕೀಟತ್ವಂ ಭವತು ವಿಹಗತ್ವಾದಿ-ಜನನಮ್
ಸದಾ ತ್ವತ್ಪಾದಾಬ್ಜ-ಸ್ಮರಣ-ಪರಮಾನಂದ-ಲಹರೀ
ವಿಹಾರಾಸಕ್ತಂ ಚೇದ್ ಹೃದಯಮಿಹ ಕಿಂ ತೇನ ವಪುಷಾ 10

ವಟುರ್ವಾ ಗೇಹೀ ವಾ ಯತಿರಪಿ ಜಟೀ ವಾ ತದಿತರೋ
ನರೋ ವಾ ಯಃ ಕಶ್ಚಿದ್-ಭವತು ಭವ ಕಿಂ ತೇನ ಭವತಿ
ಯದೀಯಂ ಹೃತ್ಪದ್ಮಂ ಯದಿ ಭವದಧೀನಂ ಪಶು-ಪತೇ
ತದೀಯಸ್ತ್ವಂ ಶಂಭೋ ಭವಸಿ ಭವ ಭಾರಂ ಚ ವಹಸಿ 11

ಗುಹಾಯಾಂ ಗೇಹೇ ವಾ ಬಹಿರಪಿ ವನೇ ವಾऽದ್ರಿ-ಶಿಖರೇ
ಜಲೇ ವಾ ವಹ್ನೌ ವಾ ವಸತು ವಸತೇಃ ಕಿಂ ವದ ಫಲಮ್
ಸದಾ ಯಸ್ಯೈವಾಂತಃಕರಣಮಪಿ ಶಂಭೋ ತವ ಪದೇ
ಸ್ಥಿತಂ ಚೇದ್ ಯೋಗೋऽಸೌ ಸ ಚ ಪರಮ-ಯೋಗೀ ಸ ಚ ಸುಖೀ 12

ಅಸಾರೇ ಸಂಸಾರೇ ನಿಜ-ಭಜನ-ದೂರೇ ಜಡಧಿಯಾ
ಭ್ರಮಂತಂ ಮಾಮಂಧಂ ಪರಮ-ಕೃಪಯಾ ಪಾತುಮುಚಿತಮ್
ಮದನ್ಯಃ ಕೋ ದೀನಸ್ತವ ಕೃಪಣ ರಕ್ಷಾತಿ-ನಿಪುಣಃ-
ತ್ವದನ್ಯಃ ಕೋ ವಾ ಮೇ ತ್ರಿ-ಜಗತಿ ಶರಣ್ಯಃ ಪಶು-ಪತೇ 13

ಪ್ರಭುಸ್ತ್ವಂ ದೀನಾನಾಂ ಖಲು ಪರಮ-ಬಂಧುಃ ಪಶು-ಪತೇ
ಪ್ರಮುಖ್ಯೋऽಹಂ ತೇಷಾಮಪಿ ಕಿಮುತ ಬಂಧುತ್ವಮನಯೋಃ
ತ್ವಯೈವ ಕ್ಷಂತವ್ಯಾಃ ಶಿವ ಮದಪರಾಧಾಶ್ಚ ಸಕಲಾಃ
ಪ್ರಯತ್ನಾತ್ಕರ್ತವ್ಯಂ ಮದವನಮಿಯಂ ಬಂಧು-ಸರಣಿಃ 14

ಉಪೇಕ್ಷಾ ನೋ ಚೇತ್ ಕಿಂ ನ ಹರಸಿ ಭವದ್ಧ್ಯಾನ-ವಿಮುಖಾಂ
ದುರಾಶಾ-ಭೂಯಿಷ್ಠಾಂ ವಿಧಿ-ಲಿಪಿಮಶಕ್ತೋ ಯದಿ ಭವಾನ್
ಶಿರಸ್ತದ್ವೈಧಾತ್ರಂ ನ ನಖಲು ಸುವೃತ್ತಂ ಪಶು-ಪತೇ
ಕಥಂ ವಾ ನಿರ್ಯತ್ನಂ ಕರ-ನಖ-ಮುಖೇನೈವ ಲುಲಿತಮ್ 15

ವಿರಿಂಚಿರ್ದೀರ್ಘಾಯುರ್ಭವತು ಭವತಾ ತತ್ಪರ-ಶಿರಶ್ಚತುಷ್ಕಂ
ಸಂರಕ್ಷ್ಯಂ ಸ ಖಲು ಭುವಿ ದೈನ್ಯಂ ಲಿಖಿತವಾನ್
ವಿಚಾರಃ ಕೋ ವಾ ಮಾಂ ವಿಶದ-ಕೃಪಯಾ ಪಾತಿ ಶಿವ ತೇ
ಕಟಾಕ್ಷ-ವ್ಯಾಪಾರಃ ಸ್ವಯಮಪಿ ಚ ದೀನಾವನ-ಪರಃ 16

ಫಲಾದ್ವಾ ಪುಣ್ಯಾನಾಂ ಮಯಿ ಕರುಣಯಾ ವಾ ತ್ವಯಿ ವಿಭೋ
ಪ್ರಸನ್ನೇऽಪಿ ಸ್ವಾಮಿನ್ ಭವದಮಲ-ಪಾದಾಬ್ಜ-ಯುಗಲಮ್
ಕಥಂ ಪಶ್ಯೇಯಂ ಮಾಂ ಸ್ಥಗಯತಿ ನಮಃ-ಸಂಭ್ರಮ-ಜುಷಾಂ
ನಿಲಿಂಪಾನಾಂ ಶ್ರೇಣಿರ್ನಿಜ-ಕನಕ-ಮಾಣಿಕ್ಯ-ಮಕುಟೈಃ 17

ತ್ವಮೇಕೋ ಲೋಕಾನಾಂ ಪರಮ-ಫಲದೋ ದಿವ್ಯ-ಪದವೀಂ
ವಹಂತಸ್ತ್ವನ್ಮೂಲಾಂ ಪುನರಪಿ ಭಜಂತೇ ಹರಿ-ಮುಖಾಃ
ಕಿಯದ್ವಾ ದಾಕ್ಷಿಣ್ಯಂ ತವ ಶಿವ ಮದಾಶಾ ಚ ಕಿಯತೀ
ಕದಾ ವಾ ಮದ್ರಕ್ಷಾಂ ವಹಸಿ ಕರುಣಾ-ಪೂರಿತ-ದೃಶಾ 18

ದುರಾಶಾ-ಭೂಯಿಷ್ಠೇ ದುರಧಿಪ-ಗೃಹ-ದ್ವಾರ-ಘಟಕೇ
ದುರಂತೇ ಸಂಸಾರೇ ದುರಿತ-ನಿಲಯೇ ದುಃಖ ಜನಕೇ
ಮದಾಯಾಸಂ ಕಿಂ ನ ವ್ಯಪನಯಸಿ ಕಸ್ಯೋಪಕೃತಯೇ
ವದೇಯಂ ಪ್ರೀತಿಶ್ಚೇತ್ ತವ ಶಿವ ಕೃತಾರ್ಥಾಃ ಖಲು ವಯಮ್ 19

ಸದಾ ಮೋಹಾಟವ್ಯಾಂ ಚರತಿ ಯುವತೀನಾಂ ಕುಚ-ಗಿರೌ
ನಟತ್ಯಾಶಾ-ಶಾಖಾಸ್ವಟತಿ ಝಟಿತಿ ಸ್ವೈರಮಭಿತಃ
ಕಪಾಲಿನ್ ಭಿಕ್ಷೋ ಮೇ ಹೃದಯ-ಕಪಿಮತ್ಯಂತ-ಚಪಲಂ
ದೃಢಂ ಭಕ್ತ್ಯಾ ಬದ್ಧ್ವಾ ಶಿವ ಭವದಧೀನಂ ಕುರು ವಿಭೋ 20

ಧೃತಿ-ಸ್ತಂಭಾಧಾರಂ ದೃಢ-ಗುಣ ನಿಬದ್ಧಾಂ ಸಗಮನಾಂ
ವಿಚಿತ್ರಾಂ ಪದ್ಮಾಢ್ಯಾಂ ಪ್ರತಿ-ದಿವಸ-ಸನ್ಮಾರ್ಗ-ಘಟಿತಾಮ್
ಸ್ಮರಾರೇ ಮಚ್ಚೇತಃ-ಸ್ಫುಟ-ಪಟ-ಕುಟೀಂ ಪ್ರಾಪ್ಯ ವಿಶದಾಂ
ಜಯ ಸ್ವಾಮಿನ್ ಶಕ್ತ್ಯಾ ಸಹ ಶಿವ ಗಣೈಸ್ಸೇವಿತ ವಿಭೋ 21

ಪ್ರಲೋಭಾದ್ಯೈಃ ಅರ್ಥಾಹರಣ ಪರ-ತಂತ್ರೋ ಧನಿ-ಗೃಹೇ
ಪ್ರವೇಶೋದ್ಯುಕ್ತಸ್ಸನ್ ಭ್ರಮತಿ ಬಹುಧಾ ತಸ್ಕರ-ಪತೇ
ಇಮಂ ಚೇತಶ್ಚೋರಂ ಕಥಮಿಹ ಸಹೇ ಶಂಕರ ವಿಭೋ
ತವಾಧೀನಂ ಕೃತ್ವಾ ಮಯಿ ನಿರಪರಾಧೇ ಕುರು ಕೃಪಾಮ್ 22

ಕರೋಮಿ ತ್ವತ್ಪೂಜಾಂ ಸಪದಿ ಸುಖದೋ ಮೇ ಭವ ವಿಭೋ
ವಿಧಿತ್ವಂ ವಿಷ್ಣುತ್ವಮ್ ದಿಶಸಿ ಖಲು ತಸ್ಯಾಃ ಫಲಮಿತಿ
ಪುನಶ್ಚ ತ್ವಾಂ ದ್ರಷ್ಟುಂ ದಿವಿ ಭುವಿ ವಹನ್ ಪಕ್ಷಿ-ಮೃಗತಾಂ-
ಅದೃಷ್ಟ್ವಾ ತತ್ಖೇದಂ ಕಥಮಿಹ ಸಹೇ ಶಂಕರ ವಿಭೋ 23

ಕದಾ ವಾ ಕೈಲಾಸೇ ಕನಕ-ಮಣಿ-ಸೌಧೇ ಸಹ-ಗಣೈಃ-
ವಸನ್ ಶಂಭೋರಗ್ರೇ ಸ್ಫುಟ-ಘಟಿತ ಮೂರ್ಧಾಂಜಲಿ-ಪುಟಃ
ವಿಭೋ ಸಾಂಬ ಸ್ವಾಮಿನ್ ಪರಮಶಿವ ಪಾಹೀತಿ ನಿಗದನ್
ವಿಧಾತೄಣಾಂ ಕಲ್ಪಾನ್ ಕ್ಷಣಮಿವ ವಿನೇಷ್ಯಾಮಿ ಸುಖತಃ 24

ಸ್ತವೈರ್ಬ್ರಹ್ಮಾದೀನಾಂ ಜಯ-ಜಯ-ವಚೋಭಿಃ ನಿಯಮಾನಾಂ
ಗಣಾನಾಂ ಕೇಲೀಭಿಃ ಮದಕಲ-ಮಹೋಕ್ಷಸ್ಯ ಕಕುದಿ
ಸ್ಥಿತಂ ನೀಲ-ಗ್ರೀವಂ ತ್ರಿ-ನಯನಂ-ಉಮಾಶ್ಲಿಷ್ಟ-ವಪುಷಂ
ಕದಾ ತ್ವಾಂ ಪಶ್ಯೇಯಂ ಕರ-ಧೃತ-ಮೃಗಂ ಖಂಡ-ಪರಶುಮ್ 25

ಕದಾ ವಾ ತ್ವಾಂ ದೃಷ್ಟ್ವಾ ಗಿರಿಶ ತವ ಭವ್ಯಾಂಘ್ರಿ-ಯುಗಲಂ
ಗೃಹೀತ್ವಾ ಹಸ್ತಾಭ್ಯಾಂ ಶಿರಸಿ ನಯನೇ ವಕ್ಷಸಿ ವಹನ್
ಸಮಾಶ್ಲಿಷ್ಯಾಘ್ರಾಯ ಸ್ಫುಟ-ಜಲಜ-ಗಂಧಾನ್ ಪರಿಮಲಾನ್-
ಅಲಭ್ಯಾಂ ಬ್ರಹ್ಮಾದ್ಯೈಃ ಮುದಮನುಭವಿಷ್ಯಾಮಿ ಹೃದಯೇ 26

ಕರಸ್ಥೇ ಹೇಮಾದ್ರೌ ಗಿರಿಶ ನಿಕಟಸ್ಥೇ ಧನ-ಪತೌ
ಗೃಹಸ್ಥೇ ಸ್ವರ್ಭೂಜಾऽಮರ-ಸುರಭಿ-ಚಿಂತಾಮಣಿ-ಗಣೇ
ಶಿರಸ್ಥೇ ಶೀತಾಂಶೌ ಚರಣ-ಯುಗಲಸ್ಥೇ-ಅಖಿಲ ಶುಭೇ
ಕಮರ್ಥಂ ದಾಸ್ಯೇऽಹಂ ಭವತು ಭವದರ್ಥಂ ಮಮ ಮನಃ 27

ಸಾರೂಪ್ಯಂ ತವ ಪೂಜನೇ ಶಿವ ಮಹಾ-ದೇವೇತಿ ಸಂಕೀರ್ತನೇ
ಸಾಮೀಪ್ಯಂ ಶಿವ ಭಕ್ತಿ-ಧುರ್ಯ-ಜನತಾ-ಸಾಂಗತ್ಯ-ಸಂಭಾಷಣೇ
ಸಾಲೋಕ್ಯಂ ಚ ಚರಾಚರಾತ್ಮಕ ತನು-ಧ್ಯಾನೇ ಭವಾನೀ-ಪತೇ
ಸಾಯುಜ್ಯಂ ಮಮ ಸಿದ್ಧಿಮತ್ರ ಭವತಿ ಸ್ವಾಮಿನ್ ಕೃತಾರ್ಥೋಸ್ಮ್ಯಹಮ್ 28

ತ್ವತ್ಪಾದಾಂಬುಜಮರ್ಚಯಾಮಿ ಪರಮಂ ತ್ವಾಂ ಚಿಂತಯಾಮ್ಯನ್ವಹಂ
ತ್ವಾಮೀಶಂ ಶರಣಂ ವ್ರಜಾಮಿ ವಚಸಾ ತ್ವಾಮೇವ ಯಾಚೇ ವಿಭೋ
ವೀಕ್ಷಾಂ ಮೇ ದಿಶ ಚಾಕ್ಷುಷೀಂ ಸಕರುಣಾಂ ದಿವ್ಯೈಶ್ಚಿರಂ ಪ್ರಾರ್ಥಿತಾಂ
ಶಂಭೋ ಲೋಕ-ಗುರೋ ಮದೀಯ-ಮನಸಃ ಸೌಖ್ಯೋಪದೇಶಂ ಕುರು 29

ವಸ್ತ್ರೋದ್ಧೂತ ವಿಧೌ ಸಹಸ್ರ-ಕರತಾ ಪುಷ್ಪಾರ್ಚನೇ ವಿಷ್ಣುತಾ
ಗಂಧೇ ಗಂಧ-ವಹಾತ್ಮತಾऽನ್ನ-ಪಚನೇ ಬಹಿರ್ಮುಖಾಧ್ಯಕ್ಷತಾ
ಪಾತ್ರೇ ಕಾಂಚನ-ಗರ್ಭತಾಸ್ತಿ ಮಯಿ ಚೇದ್ ಬಾಲೇಂದು ಚೂಡಾ-ಮಣೇ
ಶುಶ್ರೂಷಾಂ ಕರವಾಣಿ ತೇ ಪಶು-ಪತೇ ಸ್ವಾಮಿನ್ ತ್ರಿ-ಲೋಕೀ-ಗುರೋ 30

ನಾಲಂ ವಾ ಪರಮೋಪಕಾರಕಮಿದಂ ತ್ವೇಕಂ ಪಶೂನಾಂ ಪತೇ
ಪಶ್ಯನ್ ಕುಕ್ಷಿ-ಗತಾನ್ ಚರಾಚರ-ಗಣಾನ್ ಬಾಹ್ಯ-ಸ್ಥಿತಾನ್ ರಕ್ಷಿತುಮ್
ಸರ್ವಾಮರ್ತ್ಯ-ಪಲಾಯನೌಷಧಂ ಅತಿ-ಜ್ವಾಲಾ-ಕರಂ ಭೀ-ಕರಂ
ನಿಕ್ಷಿಪ್ತಂ ಗರಲಂ ಗಲೇ ನ ಗಲಿತಂ ನೋದ್ಗೀರ್ಣಮೇವ-ತ್ವಯಾ 31

ಜ್ವಾಲೋಗ್ರಸ್ಸಕಲಾಮರಾತಿ-ಭಯದಃ ಕ್ಷ್ವೇಲಃ ಕಥಂ ವಾ ತ್ವಯಾ
ದೃಷ್ಟಃ ಕಿಂ ಚ ಕರೇ ಧೃತಃ ಕರ-ತಲೇ ಕಿಂ ಪಕ್ವ ಜಂಬೂ-ಫಲಮ್
ಜಿಹ್ವಾಯಾಂ ನಿಹಿತಶ್ಚ ಸಿದ್ಧ-ಘುಟಿಕಾ ವಾ ಕಂಠ-ದೇಶೇ ಭೃತಃ
ಕಿಂ ತೇ ನೀಲ-ಮಣಿರ್ವಿಭೂಷಣಮಯಂ ಶಂಭೋ ಮಹಾತ್ಮನ್ ವದ 32

ನಾಲಂ ವಾ ಸಕೃದೇವ ದೇವ ಭವತಸ್ಸೇವಾ ನತಿರ್ವಾ ನುತಿಃ
ಪೂಜಾ ವಾ ಸ್ಮರಣಂ ಕಥಾ-ಶ್ರವಣಮಪ್ಯಾಲೋಕನಂ ಮಾದೃಶಾಮ್
ಸ್ವಾಮಿನ್ನಸ್ಥಿರ-ದೇವತಾನುಸರಣಾಯಾಸೇನ ಕಿಂ ಲಭ್ಯತೇ
ಕಾ ವಾ ಮುಕ್ತಿರಿತಃ ಕುತೋ ಭವತಿ ಚೇತ್ ಕಿಂ ಪ್ರಾರ್ಥನೀಯಂ ತದಾ 33

ಕಿಂ ಬ್ರೂಮಸ್ತವ ಸಾಹಸಂ ಪಶು-ಪತೇ ಕಸ್ಯಾಸ್ತಿ ಶಂಭೋ
ಭವದ್ಧೈರ್ಯಂ ಚೇದೃಶಮಾತ್ಮನಃ ಸ್ಥಿತಿರಿಯಂ ಚಾನ್ಯೈಃ ಕಥಂ ಲಭ್ಯತೇ
ಭ್ರಶ್ಯದ್ದೇವ-ಗಣಂ ತ್ರಸನ್ಮುನಿ-ಗಣಂ ನಶ್ಯತ್ಪ್ರಪಂಚಂ ಲಯಂ
ಪಶ್ಯನ್ನಿರ್ಭಯ ಏಕ ಏವ ವಿಹರತ್ಯಾನಂದ-ಸಾಂದ್ರೋ ಭವಾನ್ 34

ಯೋಗ-ಕ್ಷೇಮ-ಧುರಂಧರಸ್ಯ ಸಕಲಃಶ್ರೇಯಃ ಪ್ರದೋದ್ಯೋಗಿನೋ
ದೃಷ್ಟಾದೃಷ್ಟ-ಮತೋಪದೇಶ-ಕೃತಿನೋ ಬಾಹ್ಯಾಂತರ-ವ್ಯಾಪಿನಃ
ಸರ್ವಜ್ಞಸ್ಯ ದಯಾ-ಕರಸ್ಯ ಭವತಃ ಕಿಂ ವೇದಿತವ್ಯಂ ಮಯಾ
ಶಂಭೋ ತ್ವಂ ಪರಮಾಂತರಂಗ ಇತಿ ಮೇ ಚಿತ್ತೇ ಸ್ಮರಾಮ್ಯನ್ವಹಮ್ 35

ಭಕ್ತೋ ಭಕ್ತಿ-ಗುಣಾವೃತೇ ಮುದಮೃತಾ-ಪೂರ್ಣೇ ಪ್ರಸನ್ನೇ ಮನಃ
ಕುಂಭೇ ಸಾಂಬ ತವಾಂಘ್ರಿ-ಪಲ್ಲವ ಯುಗಂ ಸಂಸ್ಥಾಪ್ಯ ಸಂವಿತ್ಫಲಮ್
ಸತ್ತ್ವಂ ಮಂತ್ರಮುದೀರಯನ್ನಿಜ ಶರೀರಾಗಾರ ಶುದ್ಧಿಂ ವಹನ್
ಪುಣ್ಯಾಹಂ ಪ್ರಕಟೀ ಕರೋಮಿ ರುಚಿರಂ ಕಲ್ಯಾಣಮಾಪಾದಯನ್ 36

ಆಮ್ನಾಯಾಂಬುಧಿಮಾದರೇಣ ಸುಮನಸ್ಸಂಘಾಃ-ಸಮುದ್ಯನ್ಮನೋ
ಮಂಥಾನಂ ದೃಢ ಭಕ್ತಿ-ರಜ್ಜು-ಸಹಿತಂ ಕೃತ್ವಾ ಮಥಿತ್ವಾ ತತಃ
ಸೋಮಂ ಕಲ್ಪ-ತರುಂ ಸುಪರ್ವ-ಸುರಭಿಂ ಚಿಂತಾ-ಮಣಿಂ ಧೀಮತಾಂ
ನಿತ್ಯಾನಂದ-ಸುಧಾಂ ನಿರಂತರ-ರಮಾ-ಸೌಭಾಗ್ಯಮಾತನ್ವತೇ 37

ಪ್ರಾಕ್ಪುಣ್ಯಾಚಲ-ಮಾರ್ಗ-ದರ್ಶಿತ-ಸುಧಾ-ಮೂರ್ತಿಃ ಪ್ರಸನ್ನಶ್ಶಿವಃ
ಸೋಮಸ್ಸದ್-ಗುಣ-ಸೇವಿತೋ ಮೃಗ-ಧರಃ ಪೂರ್ಣಾಸ್ತಮೋ ಮೋಚಕಃ
ಚೇತಃ ಪುಷ್ಕರ ಲಕ್ಷಿತೋ ಭವತಿ ಚೇದಾನಂದ-ಪಾಥೋ ನಿಧಿಃ
ಪ್ರಾಗಲ್ಭ್ಯೇನ ವಿಜೃಂಭತೇ ಸುಮನಸಾಂ ವೃತ್ತಿಸ್ತದಾ ಜಾಯತೇ 38

ಧರ್ಮೋ ಮೇ ಚತುರಂಘ್ರಿಕಃ ಸುಚರಿತಃ ಪಾಪಂ ವಿನಾಶಂ ಗತಂ
ಕಾಮ-ಕ್ರೋಧ-ಮದಾದಯೋ ವಿಗಲಿತಾಃ ಕಾಲಾಃ ಸುಖಾವಿಷ್ಕೃತಾಃ
ಜ್ಞಾನಾನಂದ-ಮಹೌಷಧಿಃ ಸುಫಲಿತಾ ಕೈವಲ್ಯ ನಾಥೇ ಸದಾ
ಮಾನ್ಯೇ ಮಾನಸ-ಪುಂಡರೀಕ-ನಗರೇ ರಾಜಾವತಂಸೇ ಸ್ಥಿತೇ 39

ಧೀ-ಯಂತ್ರೇಣ ವಚೋ-ಘಟೇನ ಕವಿತಾ-ಕುಲ್ಯೋಪಕುಲ್ಯಾಕ್ರಮೈಃ-
ಆನೀತೈಶ್ಚ ಸದಾಶಿವಸ್ಯ ಚರಿತಾಂಭೋರಾಶಿ-ದಿವ್ಯಾಮೃತೈಃ
ಹೃತ್ಕೇದಾರ-ಯುತಾಶ್ಚ ಭಕ್ತಿ-ಕಲಮಾಃ ಸಾಫಲ್ಯಮಾತನ್ವತೇ
ದುರ್ಭಿಕ್ಷಾನ್ಮಮ ಸೇವಕಸ್ಯ ಭಗವನ್ ವಿಶ್ವೇಶ ಭೀತಿಃ ಕುತಃ 40

ಪಾಪೋತ್ಪಾತ-ವಿಮೋಚನಾಯ ರುಚಿರೈಶ್ವರ್ಯಾಯ ಮೃತ್ಯುಂ-ಜಯ
ಸ್ತೋತ್ರ-ಧ್ಯಾನ-ನತಿ-ಪ್ರದಿಕ್ಷಿಣ-ಸಪರ್ಯಾಲೋಕನಾಕರ್ಣನೇ
ಜಿಹ್ವಾ-ಚಿತ್ತ-ಶಿರೋಂಘ್ರಿ-ಹಸ್ತ-ನಯನ-ಶ್ರೋತ್ರೈರಹಂ ಪ್ರಾರ್ಥಿತೋ
ಮಾಮಾಜ್ಞಾಪಯ ತನ್ನಿರೂಪಯ ಮುಹುರ್ಮಾಮೇವ ಮಾ ಮೇऽವಚಃ 41

ಗಾಂಭೀರ್ಯಂ ಪರಿಖಾ-ಪದಂ ಘನ-ಧೃತಿಃ ಪ್ರಾಕಾರ ಉದ್ಯದ್ಗುಣ
ಸ್ತೋಮಶ್ಚಾಪ್ತ ಬಲಂ ಘನೇಂದ್ರಿಯ-ಚಯೋ ದ್ವಾರಾಣಿ ದೇಹೇ ಸ್ಥಿತಃ
ವಿದ್ಯಾ-ವಸ್ತು-ಸಮೃದ್ಧಿರಿತ್ಯಖಿಲ-ಸಾಮಗ್ರೀ-ಸಮೇತೇ ಸದಾ
ದುರ್ಗಾತಿ-ಪ್ರಿಯ-ದೇವ ಮಾಮಕ-ಮನೋ-ದುರ್ಗೇ ನಿವಾಸಂ ಕುರು 42

ಮಾ ಗಚ್ಛ ತ್ವಮಿತಸ್ತತೋ ಗಿರಿಶ ಭೋ ಮಯ್ಯೇವ ವಾಸಂ ಕುರು
ಸ್ವಾಮಿನ್ನಾದಿ ಕಿರಾತ ಮಾಮಕ-ಮನಃ ಕಾಂತಾರ-ಸೀಮಾಂತರೇ
ವರ್ತಂತೇ ಬಹುಶೋ ಮೃಗಾ ಮದ-ಜುಷೋ ಮಾತ್ಸರ್ಯ-ಮೋಹಾದಯಃ
ತಾನ್ ಹತ್ವಾ ಮೃಗಯಾ ವಿನೋದ ರುಚಿತಾ-ಲಾಭಂ ಚ ಸಂಪ್ರಾಪ್ಸ್ಯಸಿ 43

ಕರ-ಲಗ್ನ ಮೃಗಃ ಕರೀಂದ್ರ-ಭಂಗೋ
ಘನ ಶಾರ್ದೂಲ-ವಿಖಂಡನೋऽಸ್ತ-ಜಂತುಃ
ಗಿರಿಶೋ ವಿಶದಾಕೃತಿಶ್ಚ ಚೇತಃ
ಕುಹರೇ ಪಂಚ ಮುಖೋಸ್ತಿ ಮೇ ಕುತೋ ಭೀಃ 44

ಛಂದಶ್ಶಾಖಿ ಶಿಖಾನ್ವಿತೈಃ ದ್ವಿಜ-ವರೈಃ ಸಂಸೇವಿತೇ ಶಾಶ್ವತೇ
ಸೌಖ್ಯಾಪಾದಿನಿ ಖೇದ-ಭೇದಿನಿ ಸುಧಾ-ಸಾರೈಃ ಫಲೈರ್ದೀಪಿತೇ
ಚೇತಃ ಪಕ್ಷಿ ಶಿಖಾ-ಮಣೇ ತ್ಯಜ ವೃಥಾ ಸಂಚಾರಂ ಅನ್ಯೈರಲಂ
ನಿತ್ಯಂ ಶಂಕರ-ಪಾದ-ಪದ್ಮ-ಯುಗಲೀ-ನೀಡೇ ವಿಹಾರಂ ಕುರು 45

ಆಕೀರ್ಣೇ ನಖ-ರಾಜಿ-ಕಾಂತಿ-ವಿಭವೈರುದ್ಯತ್-ಸುಧಾ-ವೈಭವೈಃ
ಆಧೌತೇಪಿ ಚ ಪದ್ಮ-ರಾಗ-ಲಲಿತೇ ಹಂಸ-ವ್ರಜೈರಾಶ್ರಿತೇ
ನಿತ್ಯಂ ಭಕ್ತಿ-ವಧೂ ಗಣೈಶ್ಚ ರಹಸಿ ಸ್ವೇಚ್ಛಾ-ವಿಹಾರಂ ಕುರು
ಸ್ಥಿತ್ವಾ ಮಾನಸ-ರಾಜ-ಹಂಸ ಗಿರಿಜಾ ನಾಥಾಂಘ್ರಿ-ಸೌಧಾಂತರೇ 46

ಶಂಭು-ಧ್ಯಾನ-ವಸಂತ-ಸಂಗಿನಿ ಹೃದಾರಾಮೇ-ಅಘ-ಜೀರ್ಣಚ್ಛದಾಃ
ಸ್ರಸ್ತಾ ಭಕ್ತಿ ಲತಾಚ್ಛಟಾ ವಿಲಸಿತಾಃ ಪುಣ್ಯ-ಪ್ರವಾಲ-ಶ್ರಿತಾಃ
ದೀಪ್ಯಂತೇ ಗುಣ-ಕೋರಕಾ ಜಪ-ವಚಃ ಪುಷ್ಪಾಣಿ ಸದ್ವಾಸನಾ
ಜ್ಞಾನಾನಂದ-ಸುಧಾ-ಮರಂದ-ಲಹರೀ ಸಂವಿತ್ಫಲಾಭ್ಯುನ್ನತಿಃ 47

ನಿತ್ಯಾನಂದ-ರಸಾಲಯಂ ಸುರ-ಮುನಿ-ಸ್ವಾಂತಾಂಬುಜಾತಾಶ್ರಯಂ
ಸ್ವಚ್ಛಂ ಸದ್ದ್ವಿಜ-ಸೇವಿತಂ ಕಲುಷ-ಹೃತ್ ಸದ್ವಾಸನಾವಿಷ್ಕೃತಮ್
ಶಂಭು-ಧ್ಯಾನ-ಸರೋವರಂ ವ್ರಜ ಮನೋ-ಹಂಸಾವತಂಸ ಸ್ಥಿರಂ
ಕಿಂ ಕ್ಷುದ್ರಾಶ್ರಯ-ಪಲ್ವಲ-ಭ್ರಮಣ-ಸಂಜಾತ-ಶ್ರಮಂ ಪ್ರಾಪ್ಸ್ಯಸಿ 48

ಆನಂದಾಮೃತ-ಪೂರಿತಾ ಹರ-ಪದಾಂಭೋಜಾಲವಾಲೋದ್ಯತಾ
ಸ್ಥೈರ್ಯೋಪಘ್ನಮುಪೇತ್ಯ ಭಕ್ತಿ ಲತಿಕಾ ಶಾಖೋಪಶಾಖಾನ್ವಿತಾ
ಉಚ್ಛೈರ್ಮಾನಸ ಕಾಯಮಾನ-ಪಟಲೀಮಾಕ್ರಂಯ ನಿಷ್ಕಲ್ಮಷಾ
ನಿತ್ಯಾಭೀಷ್ಟ ಫಲ-ಪ್ರದಾ ಭವತು ಮೇ ಸತ್ಕರ್ಮ ಸಂವರ್ಧಿತಾ 49

ಸಂಧ್ಯಾರಂಭ-ವಿಜೃಂಭಿತಂ ಶ್ರುತಿ-ಶಿರ ಸ್ಥಾನಾಂತರಾಧಿಷ್ಠಿತಂ
ಸಪ್ರೇಮ ಭ್ರಮರಾಭಿರಾಮಮಸಕೃತ್ ಸದ್ವಾಸನಾ ಶೋಭಿತಮ್
ಭೋಗೀಂದ್ರಾಭರಣಂ ಸಮಸ್ತ ಸುಮನಃಪೂಜ್ಯಂ ಗುಣಾವಿಷ್ಕೃತಂ
ಸೇವೇ ಶ್ರೀಗಿರಿ ಮಲ್ಲಿಕಾರ್ಜುನ ಮಹಾ-ಲಿಂಗಂ ಶಿವಾಲಿಂಗಿತಮ್ 50

ಭೃಂಗೀಚ್ಛಾ-ನಟನೋತ್ಕಟಃ ಕರಿ-ಮದ-ಗ್ರಾಹೀ ಸ್ಫುರನ್-
ಮಾಧವಾಹ್ಲಾದೋ ನಾದ-ಯುತೋ ಮಹಾಸಿತ-ವಪುಃ ಪಂಚೇಷುಣಾ ಚಾದೃತಃ
ಸತ್ಪಕ್ಷಸ್ಸುಮನೋ-ವನೇಷು ಸ ಪುನಃ ಸಾಕ್ಷಾನ್ಮದೀಯೇ ಮನೋ
ರಾಜೀವೇ ಭ್ರಮರಾಧಿಪೋ ವಿಹರತಾಂ ಶ್ರೀಶೈಲ-ವಾಸೀ ವಿಭುಃ 51

ಕಾರುಣ್ಯಾಮೃತ-ವರ್ಷಿಣಂ ಘನ-ವಿಪದ್-ಗ್ರೀಷ್ಮಚ್ಛಿದಾ-ಕರ್ಮಠಂ
ವಿದ್ಯಾ-ಸಸ್ಯ-ಫಲೋದಯಾಯ ಸುಮನಸ್ಸಂಸೇವ್ಯಂ ಇಚ್ಛಾಕೃತಿಮ್
ನೃತ್ಯದ್ಭಕ್ತ-ಮಯೂರಂ ಅದ್ರಿ-ನಿಲಯಂ ಚಂಚಜ್ಜಟಾ ಮಂಡಲಂ
ಶಂಭೋ ವಾಂಛತಿ ನೀಲ-ಕಂಧರ ಸದಾ ತ್ವಾಂ ಮೇ ಮನಶ್ಚಾತಕಃ 52

ಆಕಾಶೇನ ಶಿಖೀ ಸಮಸ್ತ ಫಣಿನಾಂ ನೇತ್ರಾ ಕಲಾಪೀ
ನತಾऽನುಗ್ರಾಹಿ ಪ್ರಣವೋಪದೇಶ ನಿನದೈಃ ಕೇಕೀತಿ ಯೋ ಗೀಯತೇ
ಶ್ಯಾಮಾಂ ಶೈಲ ಸಮುದ್ಭವಾಂ ಘನ-ರುಚಿಂ ದೃಷ್ಟ್ವಾ ನಟಂತಂ ಮುದಾ
ವೇದಾಂತೋಪವನೇ ವಿಹಾರ-ರಸಿಕಂ ತಂ ನೀಲ-ಕಂಠಂ ಭಜೇ 53

ಸಂಧ್ಯಾ ಘರ್ಮ-ದಿನಾತ್ಯಯೋ ಹರಿ-ಕರಾಘಾತ-ಪ್ರಭೂತಾನಕ-
ಧ್ವಾನೋ ವಾರಿದ ಗರ್ಜಿತಂ ದಿವಿಷದಾಂ ದೃಷ್ಟಿಚ್ಛಟಾ ಚಂಚಲಾ
ಭಕ್ತಾನಾಂ ಪರಿತೋಷ ಬಾಷ್ಪ ವಿತತಿರ್ವೃಷ್ಟಿರ್ಮಯೂರೀ ಶಿವಾ
ಯಸ್ಮಿನ್ನುಜ್ಜ್ವಲ ತಾಂಡವಂ ವಿಜಯತೇ ತಂ ನೀಲ-ಕಂಠಂ ಭಜೇ 54

ಆದ್ಯಾಯಾಮಿತ ತೇಜಸೇ ಶ್ರುತಿ ಪದೈರ್ವೇದ್ಯಾಯ ಸಾಧ್ಯಾಯ ತೇ
ವಿದ್ಯಾನಂದ-ಮಯಾತ್ಮನೇ ತ್ರಿ-ಜಗತಸ್ಸಂರಕ್ಷಣೋದ್ಯೋಗಿನೇ
ಧ್ಯೇಯಾಯಾಖಿಲ ಯೋಗಿಭಿಸ್ಸುರ-ಗಣೈರ್ಗೇಯಾಯ ಮಾಯಾವಿನೇ
ಸಂಯಕ್ ತಾಂಡವ ಸಂಭ್ರಮಾಯ ಜಟಿನೇ ಸೇಯಂ ನತಿಶ್ಶಂಭವೇ 55

ನಿತ್ಯಾಯ ತ್ರಿಗುಣಾತ್ಮನೇ ಪುರ-ಜಿತೇ ಕಾತ್ಯಾಯನೀ ಶ್ರೇಯಸೇ
ಸತ್ಯಾಯಾದಿ ಕುಟುಂಬಿನೇ ಮುನಿ-ಮನಃ ಪ್ರತ್ಯಕ್ಷ ಚಿನ್ಮೂರ್ತಯೇ
ಮಾಯಾ ಸೃಷ್ಟ ಜಗತ್ತ್ರಯಾಯ ಸಕಲಾಮ್ನಾಯಾಂತ ಸಂಚಾರಿಣೇ
ಸಾಯಂ ತಾಂಡವ ಸಂಭ್ರಮಾಯ ಜಟಿನೇ ಸೇಯಂ ನತಿಶ್ಶಂಭವೇ 56

ನಿತ್ಯಂ ಸ್ವೋದರ ಪೋಷಣಾಯ ಸಕಲಾನುದ್ದಿಶ್ಯ ವಿತ್ತಾಶಯಾ
ವ್ಯರ್ಥಂ ಪರ್ಯಟನಂ ಕರೋಮಿ ಭವತಸ್ಸೇವಾಂ ನ ಜಾನೇ ವಿಭೋ
ಮಜ್ಜನ್ಮಾಂತರ ಪುಣ್ಯ-ಪಾಕ ಬಲತಸ್ತ್ವಂ ಶರ್ವ ಸರ್ವಾಂತರಃ-
ತಿಷ್ಠಸ್ಯೇವ ಹಿ ತೇನ ವಾ ಪಶು-ಪತೇ ತೇ ರಕ್ಷಣೀಯೋऽಸ್ಮ್ಯಹಮ್ 57

ಏಕೋ ವಾರಿಜ ಬಾಂಧವಃ ಕ್ಷಿತಿ-ನಭೋ ವ್ಯಾಪ್ತಂ ತಮೋ-ಮಂಡಲಂ
ಭಿತ್ವಾ ಲೋಚನ-ಗೋಚರೋಪಿ ಭವತಿ ತ್ವಂ ಕೋಟಿ-ಸೂರ್ಯ ಪ್ರಭಃ
ವೇದ್ಯಃ ಕಿಂ ನ ಭವಸ್ಯಹೋ ಘನ-ತರಂ ಕೀದೃಙ್-ಭವೇನ್-ಮತ್ತಮಸ್-
ತತ್ಸರ್ವಂ ವ್ಯಪನೀಯ ಮೇ ಪಶು-ಪತೇ ಸಾಕ್ಷಾತ್ ಪ್ರಸನ್ನೋ ಭವ 58

ಹಂಸಃ ಪದ್ಮ-ವನಂ ಸಮಿಚ್ಛತಿ ಯಥಾ ನೀಲಾಂಬುದಂ ಚಾತಕಃ
ಕೋಕಃ ಕೋಕ-ನದ ಪ್ರಿಯಂ ಪ್ರತಿ-ದಿನಂ ಚಂದ್ರಂ ಚಕೋರಸ್ತಥಾ
ಚೇತೋ ವಾಂಛತಿ ಮಾಮಕಂ ಪಶು-ಪತೇ ಚಿನ್ಮಾರ್ಗ ಮೃಗ್ಯಂ ವಿಭೋ
ಗೌರೀ ನಾಥ ಭವತ್ಪದಾಬ್ಜ-ಯುಗಲಂ ಕೈವಲ್ಯ ಸೌಖ್ಯ-ಪ್ರದಮ್ 59

ರೋಧಸ್ತೋಯಹೃತಃ ಶ್ರಮೇಣ ಪಥಿಕಶ್ಛಾಯಾಂ ತರೋರ್ವೃಷ್ಟಿತಃ
ಭೀತಃ ಸ್ವಸ್ಥ ಗೃಹಂ ಗೃಹಸ್ಥಂ ಅತಿಥಿರ್ದೀನಃ ಪ್ರಭಂ ಧಾರ್ಮಿಕಮ್
ದೀಪಂ ಸಂತಮಸಾಕುಲಶ್ಚ ಶಿಖಿನಂ ಶೀತಾವೃತಸ್ತ್ವಂ ತಥಾ
ಚೇತಸ್ಸರ್ವ ಭಯಾಪಹಂ ವ್ರಜ ಸುಖಂ ಶಂಭೋಃ ಪದಾಂಭೋರುಹಮ್ 60

ಅಂಕೋಲಂ ನಿಜ ಬೀಜ ಸಂತತಿರಯಸ್ಕಾಂತೋಪಲಂ ಸೂಚಿಕಾ
ಸಾಧ್ವೀ ನೈಜ ವಿಭುಂ ಲತಾ ಕ್ಷಿತಿ-ರುಹಂ ಸಿಂಧುಸ್ಸರಿದ್ ವಲ್ಲಭಮ್
ಪ್ರಾಪ್ನೋತೀಹ ಯಥಾ ತಥಾ ಪಶು-ಪತೇಃ ಪಾದಾರವಿಂದ-ದ್ವಯಂ
ಚೇತೋ-ವೃತ್ತಿರುಪೇತ್ಯ ತಿಷ್ಠತಿ ಸದಾ ಸಾ ಭಕ್ತಿರಿತ್ಯುಚ್ಯತೇ 61

ಆನಂದಾಶ್ರುಭಿರಾತನೋತಿ ಪುಲಕಂ ನೈರ್ಮಲ್ಯತಶ್ಛಾದನಂ
ವಾಚಾ ಶಂಖ ಮುಖೇ ಸ್ಥಿತೈಶ್ಚ ಜಠರಾ-ಪೂರ್ತಿಂ ಚರಿತ್ರಾಮೃತೈಃ
ರುದ್ರಾಕ್ಷೈರ್ಭಸಿತೇನ ದೇವ ವಪುಷೋ ರಕ್ಷಾಂ ಭವದ್ಭಾವನಾ-
ಪರ್ಯಂಕೇ ವಿನಿವೇಶ್ಯ ಭಕ್ತಿ ಜನನೀ ಭಕ್ತಾರ್ಭಕಂ ರಕ್ಷತಿ 62

ಮಾರ್ಗಾವರ್ತಿತ ಪಾದುಕಾ ಪಶು-ಪತೇರಂಗಸ್ಯ ಕೂರ್ಚಾಯತೇ
ಗಂಡೂಷಾಂಬು ನಿಷೇಚನಂ ಪುರ-ರಿಪೋರ್ದಿವ್ಯಾಭಿಷೇಕಾಯತೇ
ಕಿಂಚಿದ್ಭಕ್ಷಿತ ಮಾಂಸ-ಶೇಷ-ಕಬಲಂ ನವ್ಯೋಪಹಾರಾಯತೇ
ಭಕ್ತಿಃ ಕಿಂ ನ ಕರೋತ್ಯಹೋ ವನ-ಚರೋ ಭಕ್ತಾವತಂಸಾಯತೇ 63

ವಕ್ಷಸ್ತಾಡನಮಂತಕಸ್ಯ ಕಠಿನಾಪಸ್ಮಾರ ಸಂಮರ್ದನಂ
ಭೂಭೃತ್ ಪರ್ಯಟನಂ ನಮತ್ಸುರ-ಶಿರಃ ಕೋಟೀರ ಸಂಘರ್ಷಣಮ್
ಕರ್ಮೇದಂ ಮೃದುಲಸ್ಯ ತಾವಕ-ಪದ ದ್ವಂದ್ವಸ್ಯ ಗೌರೀ-ಪತೇ
ಮಚ್ಚೇತೋ ಮಣಿ-ಪಾದುಕಾ ವಿಹರಣಂ ಶಂಭೋ ಸದಾಂಗೀ-ಕುರು 64

ವಕ್ಷಸ್ತಾಡನ ಶಂಕಯಾ ವಿಚಲಿತೋ ವೈವಸ್ವತೋ ನಿರ್ಜರಾಃ
ಕೋಟೀರೋಜ್ಜ್ವಲ ರತ್ನ-ದೀಪ-ಕಲಿಕಾ ನೀರಾಜನಂ ಕುರ್ವತೇ
ದೃಷ್ಟ್ವಾ ಮುಕ್ತಿ-ವಧೂಸ್ತನೋತಿ ನಿಭೃತಾಶ್ಲೇಷಂ ಭವಾನೀ-ಪತೇ
ಯಚ್ಚೇತಸ್ತವ ಪಾದ-ಪದ್ಮ-ಭಜನಂ ತಸ್ಯೇಹ ಕಿಂ ದುರ್ಲಭಮ್ 65

ಕ್ರೀಡಾರ್ಥಂ ಸೃಜಸಿ ಪ್ರಪಂಚಮಖಿಲಂ ಕ್ರೀಡಾ-ಮೃಗಾಸ್ತೇ ಜನಾಃ
ಯತ್ಕರ್ಮಾಚರಿತಂ ಮಯಾ ಚ ಭವತಃ ಪ್ರೀತ್ಯೈ ಭವತ್ಯೇವ ತತ್
ಶಂಭೋ ಸ್ವಸ್ಯ ಕುತೂಹಲಸ್ಯ ಕರಣಂ ಮಚ್ಚೇಷ್ಟಿತಂ ನಿಶ್ಚಿತಂ
ತಸ್ಮಾನ್ಮಾಮಕ ರಕ್ಷಣಂ ಪಶು-ಪತೇ ಕರ್ತವ್ಯಮೇವ ತ್ವಯಾ 66

ಬಹು-ವಿಧ ಪರಿತೋಷ ಬಾಷ್ಪ-ಪೂರ
ಸ್ಫುಟ ಪುಲಕಾಂಕಿತ ಚಾರು-ಭೋಗ ಭೂಮಿಮ್
ಚಿರ-ಪದ ಫಲ-ಕಾಂಕ್ಷಿ ಸೇವ್ಯಮಾನಾಂ
ಪರಮ ಸದಾಶಿವ ಭಾವನಾಂ ಪ್ರಪದ್ಯೇ 67

ಅಮಿತ ಮುದಮೃತಂ ಮುಹುರ್ದುಹಂತೀಂ
ವಿಮಲ ಭವತ್ಪದ-ಗೋಷ್ಠಮಾವಸಂತೀಮ್
ಸದಯ ಪಶು-ಪತೇ ಸುಪುಣ್ಯ ಪಾಕಾಂ
ಮಮ ಪರಿಪಾಲಯ ಭಕ್ತಿ ಧೇನುಮೇಕಾಮ್ 68

ಜಡತಾ ಪಶುತಾ ಕಲಂಕಿತಾ
ಕುಟಿಲ ಚರತ್ವಂ ಚ ನಾಸ್ತಿ ಮಯಿ ದೇವ
ಅಸ್ತಿ ಯದಿ ರಾಜ-ಮೌಲೇ
ಭವದಾಭರಣಸ್ಯ ನಾಸ್ಮಿ ಕಿಂ ಪಾತ್ರಮ್ 69

ಅರಹಸಿ ರಹಸಿ ಸ್ವತಂತ್ರ ಬುದ್ಧ್ಯಾ
ವರಿ-ವಸಿತುಂ ಸುಲಭಃ ಪ್ರಸನ್ನ ಮೂರ್ತಿಃ
ಅಗಣಿತ ಫಲ-ದಾಯಕಃ ಪ್ರಭುರ್ಮೇ
ಜಗದಧಿಕೋ ಹೃದಿ ರಾಜ ಶೇಖರೋಸ್ತಿ 70

ಆರೂಢ ಭಕ್ತಿ-ಗುಣ ಕುಂಚಿತ ಭಾವ ಚಾಪ
ಯುಕ್ತೈಶ್ಶಿವ ಸ್ಮರಣ ಬಾಣ-ಗಣೈರಮೋಘೈಃ
ನಿರ್ಜಿತ್ಯ ಕಿಲ್ಬಿಷ-ರಿಪೂನ್ ವಿಜಯೀ
ಸುಧೀಂದ್ರಸ್ಸಾನಂದಮಾವಹತಿ ಸುಸ್ಥಿರ ರಾಜ-ಲಕ್ಷ್ಮೀಮ್ 71

ಧ್ಯಾನಾಂಜನೇನ ಸಮವೇಕ್ಷ್ಯ ತಮಃಪ್ರದೇಶಂ
ಭಿತ್ವಾ ಮಹಾ-ಬಲಿಭಿರೀಶ್ವರ-ನಾಮ ಮಂತ್ರೈಃ
ದಿವ್ಯಾಶ್ರಿತಂ ಭುಜಗ-ಭೂಷಣಮುದ್ವಹಂತಿ
ಯೇ ಪಾದ ಪದ್ಮಮಿಹ ತೇ ಶಿವ ತೇ ಕೃತಾರ್ಥಾಃ 72

ಭೂ-ದಾರತಾಮುದವಹದ್ ಯದಪೇಕ್ಷಯಾ ಶ್ರೀ-
ಭೂ-ದಾರ ಏವ ಕಿಮತಸ್ಸುಮತೇ ಲಭಸ್ವ
ಕೇದಾರಮಾಕಲಿತ ಮುಕ್ತಿ ಮಹೌಷಧೀನಾಂ
ಪಾದಾರವಿಂದ ಭಜನಂ ಪರಮೇಶ್ವರಸ್ಯ 73

ಆಶಾ-ಪಾಶ-ಕ್ಲೇಶ-ದುರ್ವಾಸನಾದಿ-
ಭೇದೋದ್ಯುಕ್ತೈಃ ದಿವ್ಯ-ಗಂಧೈರಮಂದೈಃ
ಆಶಾ-ಶಾಟೀಕಸ್ಯ ಪಾದಾರವಿಂದಂ
ಚೇತಃಪೇಟೀಂ ವಾಸಿತಾಂ ಮೇ ತನೋತು 74

ಕಲ್ಯಾಣಿನಂ ಸರಸ-ಚಿತ್ರ-ಗತಿಂ ಸವೇಗಂ
ಸರ್ವೇಂಗಿತಜ್ಞಮನಘಂ ಧ್ರುವ ಲಕ್ಷಣಾಢ್ಯಮ್
ಚೇತಸ್ತುರಂಗಮ್ ಅಧಿರುಹ್ಯ ಚರ ಸ್ಮರಾರೇ
ನೇತಸ್ಸಮಸ್ತ ಜಗತಾಂ ವೃಷಭಾಧಿರೂಢ 75

ಭಕ್ತಿರ್ಮಹೇಶ ಪದ-ಪುಷ್ಕರಮಾವಸಂತೀ
ಕಾದಂಬಿನೀವ ಕುರುತೇ ಪರಿತೋಷ-ವರ್ಷಮ್
ಸಂಪೂರಿತೋ ಭವತಿ ಯಸ್ಯ ಮನಸ್ತಟಾಕಃ-
ತಜ್ಜನ್ಮ-ಸಸ್ಯಮಖಿಲಂ ಸಫಲಂ ಚ ನಾನ್ಯತ್ 76

ಬುದ್ಧಿಃಸ್ಥಿರಾ ಭವಿತುಮೀಶ್ವರ ಪಾದ-ಪದ್ಮ
ಸಕ್ತಾ ವಧೂರ್ವಿರಹಿಣೀವ ಸದಾ ಸ್ಮರಂತೀ
ಸದ್ಭಾವನಾ ಸ್ಮರಣ-ದರ್ಶನ-ಕೀರ್ತನಾದಿ
ಸಂಮೋಹಿತೇವ ಶಿವ-ಮಂತ್ರ ಜಪೇನ ವಿಂತೇ 77

ಸದುಪಚಾರ ವಿಧಿಷ್ವನುಬೋಧಿತಾಂ
ಸವಿನಯಾಂ ಸುಹೃದಂ ಸದುಪಾಶ್ರಿತಾಮ್
ಮಮ ಸಮುದ್ಧರ ಬುದ್ಧಿಮಿಮಾಂ ಪ್ರಭೋ
ವರ-ಗುಣೇನ ನವೋಢ ವಧೂಮಿವ 78

ನಿತ್ಯಂ ಯೋಗಿ ಮನಸ್ಸರೋಜ-ದಲ ಸಂಚಾರ ಕ್ಷಮಸ್ತ್ವತ್
ಕ್ರಮಶ್ಶಂಭೋ ತೇನ ಕಥಂ ಕಠೋರ ಯಮರಾಡ್ ವಕ್ಷಃಕವಾಟ-ಕ್ಷತಿಃ
ಅತ್ಯಂತಂ ಮೃದುಲಂ ತ್ವದಂಘ್ರಿ ಯುಗಲಂ ಹಾ ಮೇ ಮನಶ್ಚಿಂತಯತಿ-
ಏತಲ್ಲೋಚನ ಗೋಚರಂ ಕುರು ವಿಭೋ ಹಸ್ತೇನ ಸಂವಾಹಯೇ 79

ಏಷ್ಯತ್ಯೇಷ ಜನಿಂ ಮನೋऽಸ್ಯ ಕಠಿನಂ ತಸ್ಮಿನ್ನಟಾನೀತಿ
ಮದ್ರಕ್ಷಾಯೈ ಗಿರಿ ಸೀಮ್ನಿ ಕೋಮಲ-ಪದನ್ಯಾಸಃ ಪುರಾಭ್ಯಾಸಿತಃ
ನೋಚೇದ್ ದಿವ್ಯ ಗೃಹಾಂತರೇಷು ಸುಮನಸ್ತಲ್ಪೇಷು ವೇದ್ಯಾದಿಷು
ಪ್ರಾಯಸ್ಸತ್ಸು ಶಿಲಾ-ತಲೇಷು ನಟನಂ ಶಂಭೋ ಕಿಮರ್ಥಂ ತವ 80

ಕಂಚಿತ್ಕಾಲಮುಮಾ-ಮಹೇಶ ಭವತಃ ಪಾದಾರವಿಂದಾರ್ಚನೈಃ
ಕಂಚಿದ್ಧ್ಯಾನ ಸಮಾಧಿಭಿಶ್ಚ ನತಿಭಿಃ ಕಂಚಿತ್ ಕಥಾಕರ್ಣನೈಃ
ಕಂಚಿತ್ ಕಂಚಿದವೇಕ್ಷಣೈಶ್ಚ ನುತಿಭಿಃ ಕಂಚಿದ್ದಶಾಮೀದೃಶೀಂ
ಯಃಪ್ರಾಪ್ನೋತಿ ಮುದಾ ತ್ವದರ್ಪಿತ ಮನಾ ಜೀವನ್ ಸ ಮುಕ್ತಃಖಲು 81

ಬಾಣತ್ವಂ ವೃಷಭತ್ವಂ ಅರ್ಧ-ವಪುಷಾ ಭಾರ್ಯಾತ್ವಂ ಆರ್ಯಾ-ಪತೇ
ಘೋಣಿತ್ವಂ ಸಖಿತಾ ಮೃದಂಗ ವಹತಾ ಚೇತ್ಯಾದಿ ರೂಪಂ ದಧೌ
ತ್ವತ್ಪಾದೇ ನಯನಾರ್ಪಣಂ ಚ ಕೃತವಾನ್ ತ್ವದ್ದೇಹ ಭಾಗೋ ಹರಿಃ
ಪೂಜ್ಯಾತ್ಪೂಜ್ಯ-ತರಸ್ಸ ಏವ ಹಿ ನ ಚೇತ್ ಕೋ ವಾ ತದನ್ಯೋऽಧಿಕಃ 82

ಜನನ-ಮೃತಿ-ಯುತಾನಾಂ ಸೇವಯಾ ದೇವತಾನಾಂ
ನ ಭವತಿ ಸುಖ ಲೇಶಸ್ಸಂಶಯೋ ನಾಸ್ತಿ ತತ್ರ
ಅಜನಿಮಮೃತ ರೂಪಂ ಸಾಂಬಮೀಶಂ ಭಜಂತೇ
ಯ ಇಹ ಪರಮ ಸೌಖ್ಯಂ ತೇ ಹಿ ಧನ್ಯಾ ಲಭಂತೇ 83

ಶಿವ ತವ ಪರಿಚರ್ಯಾ ಸನ್ನಿಧಾನಾಯ ಗೌರ್ಯಾ
ಭವ ಮಮ ಗುಣ-ಧುರ್ಯಾಂ ಬುದ್ಧಿ-ಕನ್ಯಾಂ ಪ್ರದಾಸ್ಯೇ
ಸಕಲ ಭುವನ ಬಂಧೋ ಸಚ್ಚಿದಾನಂದ ಸಿಂಧೋ
ಸದಯ ಹೃದಯ-ಗೇಹೇ ಸರ್ವದಾ ಸಂವಸ ತ್ವಮ್ 84

ಜಲಧಿ ಮಥನ ದಕ್ಷೋ ನೈವ ಪಾತಾಲ ಭೇದೀ
ನ ಚ ವನ ಮೃಗಯಾಯಾಂ ನೈವ ಲುಬ್ಧಃ ಪ್ರವೀಣಃ
ಅಶನ ಕುಸುಮ ಭೂಷಾ ವಸ್ತ್ರ ಮುಖ್ಯಾಂ ಸಪರ್ಯಾಂ
ಕಥಯ ಕಥಮಹಂ ತೇ ಕಲ್ಪಯಾನೀಂದು-ಮೌಲೇ 85

ಪೂಜಾ-ದ್ರವ್ಯ ಸಮೃದ್ಧಯೋ ವಿರಚಿತಾಃ ಪೂಜಾಂ ಕಥಂ ಕುರ್ಮಹೇ
ಪಕ್ಷಿತ್ವಂ ನ ಚ ವಾ ಕೀಟಿತ್ವಮಪಿ ನ ಪ್ರಾಪ್ತಂ ಮಯಾ ದುರ್ಲಭಮ್
ಜಾನೇ ಮಸ್ತಕಮಂಘ್ರಿ-ಪಲ್ಲವಮುಮಾ ಜಾನೇ ನ ತೇऽಹಂ ವಿಭೋ
ನ ಜ್ಞಾತಂ ಹಿ ಪಿತಾಮಹೇನ ಹರಿಣಾ ತತ್ತ್ವೇನ ತದ್ರೂಪಿಣಾ 86

ಅಶನಂ ಗರಲಂ ಫಣೀ ಕಲಾಪೋ
ವಸನಂ ಚರ್ಮ ಚ ವಾಹನಂ ಮಹೋಕ್ಷಃ
ಮಮ ದಾಸ್ಯಸಿ ಕಿಂ ಕಿಮಸ್ತಿ ಶಂಭೋ
ತವ ಪಾದಾಂಬುಜ ಭಕ್ತಿಮೇವ ದೇಹಿ 87

ಯದಾ ಕೃತಾಂಭೋ-ನಿಧಿ ಸೇತು-ಬಂಧನಃ
ಕರಸ್ಥ ಲಾಧಃ ಕೃತ ಪರ್ವತಾಧಿಪಃ
ಭವಾನಿ ತೇ ಲಂಘಿತ ಪದ್ಮ-ಸಂಭವಃ
ತದಾ ಶಿವಾರ್ಚಾಸ್ತವ ಭಾವನ-ಕ್ಷಮಃ 88

ನತಿಭಿರ್ನುತಿಭಿಸ್ತ್ವಮೀಶ ಪೂಜಾ
ವಿಧಿಭಿರ್ಧ್ಯಾನ-ಸಮಾಧಿಭಿರ್ನ ತುಷ್ಟಃ
ಧನುಷಾ ಮುಸಲೇನ ಚಾಶ್ಮಭಿರ್ವಾ
ವದ ತೇ ಪ್ರೀತಿ-ಕರಂ ತಥಾ ಕರೋಮಿ 89

ವಚಸಾ ಚರಿತಂ ವದಾಮಿ
ಶಂಭೋರಹಂ ಉದ್ಯೋಗ ವಿಧಾಸು ತೇऽಪ್ರಸಕ್ತಃ
ಮನಸಾಕೃತಿಮೀಶ್ವರಸ್ಯ ಸೇವೇ
ಶಿರಸಾ ಚೈವ ಸದಾಶಿವಂ ನಮಾಮಿ 90

ಆದ್ಯಾऽವಿದ್ಯಾ ಹೃದ್ಗತಾ ನಿರ್ಗತಾಸೀತ್-
ವಿದ್ಯಾ ಹೃದ್ಯಾ ಹೃದ್ಗತಾ ತ್ವತ್ಪ್ರಸಾದಾತ್
ಸೇವೇ ನಿತ್ಯಂ ಶ್ರೀ-ಕರಂ ತ್ವತ್ಪದಾಬ್ಜಂ
ಭಾವೇ ಮುಕ್ತೇರ್ಭಾಜನಂ ರಾಜ-ಮೌಲೇ 91

ದೂರೀಕೃತಾನಿ ದುರಿತಾನಿ ದುರಕ್ಷರಾಣಿ
ದೌರ್ಭಾಗ್ಯ ದುಃಖ ದುರಹಂಕೃತಿ ದುರ್ವಚಾಂಸಿ
ಸಾರಂ ತ್ವದೀಯ ಚರಿತಂ ನಿತರಾಂ ಪಿಬಂತಂ
ಗೌರೀಶ ಮಾಮಿಹ ಸಮುದ್ಧರ ಸತ್ಕಟಾಕ್ಷೈಃ 92

ಸೋಮ ಕಲಾ-ಧರ-ಮೌಲೌ
ಕೋಮಲ ಘನ-ಕಂಧರೇ ಮಹಾ-ಮಹಸಿ
ಸ್ವಾಮಿನಿ ಗಿರಿಜಾ ನಾಥೇ
ಮಾಮಕ ಹೃದಯಂ ನಿರಂತರಂ ರಮತಾಮ್ 93

ಸಾ ರಸನಾ ತೇ ನಯನೇ
ತಾವೇವ ಕರೌ ಸ ಏವ ಕೃತಕೃತ್ಯಃ
ಯಾ ಯೇ ಯೌ ಯೋ ಭರ್ಗಂ
ವದತೀಕ್ಷೇತೇ ಸದಾರ್ಚತಃ ಸ್ಮರತಿ 94

ಅತಿ ಮೃದುಲೌ ಮಮ
ಚರಣಾವತಿ ಕಠಿನಂ ತೇ ಮನೋ ಭವಾನೀಶ
ಇತಿ ವಿಚಿಕಿತ್ಸಾಂ ಸಂತ್ಯಜ
ಶಿವ ಕಥಮಾಸೀದ್ಗಿರೌ ತಥಾ ಪ್ರವೇಶಃ 95

ಧೈಯಾಂಕುಶೇನ ನಿಭೃತಂ
ರಭಸಾದಾಕೃಷ್ಯ ಭಕ್ತಿ-ಶೃಂಖಲಯಾ
ಪುರ-ಹರ ಚರಣಾಲಾನೇ
ಹೃದಯ ಮದೇಭಂ ಬಧಾನ ಚಿದ್ಯಂತ್ರೈಃ 96

ಪ್ರಚರತ್ಯಭಿತಃ ಪ್ರಗಲ್ಭ-ವೃತ್ತ್ಯಾ
ಮದವಾನೇಷ ಮನಃ-ಕರೀ ಗರೀಯಾನ್
ಪರಿಗೃಹ್ಯ ನಯೇನ ಭಕ್ತಿ-ರಜ್ಜ್ವಾ
ಪರಮ ಸ್ಥಾಣು-ಪದಂ ದೃಢಂ ನಯಾಮುಮ್ 97

ಸರ್ವಾಲಂಕಾರ-ಯುಕ್ತಾಂ ಸರಲ-ಪದ-ಯುತಾಂ ಸಾಧು-ವೃತ್ತಾಂ ಸುವರ್ಣಾಂ
ಸದ್ಭಿಸ್ಸಂಸ್ತೂಯಮಾನಾಂ ಸರಸ ಗುಣ-ಯುತಾಂ ಲಕ್ಷಿತಾಂ ಲಕ್ಷಣಾಢ್ಯಾಮ್
ಉದ್ಯದ್ಭೂಷಾ-ವಿಶೇಷಾಮ್ ಉಪಗತ-ವಿನಯಾಂ ದ್ಯೋತಮಾನಾರ್ಥ-ರೇಖಾಂ
ಕಲ್ಯಾಣೀಂ ದೇವ ಗೌರೀ-ಪ್ರಿಯ ಮಮ ಕವಿತಾ-ಕನ್ಯಕಾಂ ತ್ವಂ ಗೃಹಾಣ 98

ಇದಂ ತೇ ಯುಕ್ತಂ ವಾ ಪರಮ-ಶಿವ ಕಾರುಣ್ಯ ಜಲಧೇ
ಗತೌ ತಿರ್ಯಗ್ರೂಪಂ ತವ ಪದ-ಶಿರೋ-ದರ್ಶನ-ಧಿಯಾ
ಹರಿ-ಬ್ರಹ್ಮಾಣೌ ತೌ ದಿವಿ ಭುವಿ ಚರಂತೌ ಶ್ರಮ-ಯುತೌ
ಕಥಂ ಶಂಭೋ ಸ್ವಾಮಿನ್ ಕಥಯ ಮಮ ವೇದ್ಯೋಸಿ ಪುರತಃ 99

ಸ್ತೋತ್ರೇಣಾಲಂ ಅಹಂ ಪ್ರವಚ್ಮಿ ನ ಮೃಷಾ ದೇವಾ ವಿರಿಂಚಾದಯಃ
ಸ್ತುತ್ಯಾನಾಂ ಗಣನಾ-ಪ್ರಸಂಗ-ಸಮಯೇ ತ್ವಾಮಗ್ರಗಣ್ಯಂ ವಿದುಃ
ಮಾಹಾತ್ಮ್ಯಾಗ್ರ-ವಿಚಾರಣ-ಪ್ರಕರಣೇ ಧಾನಾ-ತುಷಸ್ತೋಮವತ್
ಧೂತಾಸ್ತ್ವಾಂ ವಿದುರುತ್ತಮೋತ್ತಮ ಫಲಂ ಶಂಭೋ ಭವತ್ಸೇವಕಾಃ 100

ಇತಿ ಶ್ರೀಮತ್ಪರಮ-ಹಂಸ ಪರಿವ್ರಾಜಕಾಚಾರ್ಯ-
ಶ್ರೀಮತ್ ಶಂಕರಾಚಾರ್ಯ ವಿರಚಿತಾ ಶಿವಾನಂದ ಲಹರೀ ಸಮಾಪ್ತಾ